Drishyam 3 Box Office: दृश्यम ३ ची बंपर कमाई, पहिल्याच दिवशी गल्ला ९५ कोटींच्या पार

अजय देवगणच्या 'दृश्यम ३' सिनेमाने रिलीज होताच बॉक्स ऑफिसवर ९५.१० कोटी रुपयांची बंपर ओपनिंग केली आहे. प्रेक्षकांना सिनेमातील सस्पेन्स, अनपेक्षित ट्विस्ट आणि जयदीप अहलावतचा अभिनय खूप आवडला आहे.

बॉलिवूडचे चाहते 'दृश्यम ३' (दृश्यम द कन्क्लूजन) ची आतुरतेने वाट पाहत होते. मोहनलाल यांच्या मल्याळम 'दृश्यम ३' च्या रिलीजनंतर चार महिन्यांनी याचा हिंदी रिमेक प्रेक्षकांच्या भेटीला आला आहे. प्रेक्षकांच्या प्रतिक्रिया पाहता या सिनेमाने अजिबात निराशा केलेली नाही. सिनेमाची मांडणी आणि अभिनय एकदम फ्रेश असल्याचं प्रेक्षक सांगत आहेत. सिनेमाचा क्लायमॅक्स तर जबरदस्त झालाय. याचा थेट परिणाम बॉक्स ऑफिसवरही दिसतोय. 'दृश्यम ३' ने जगभरात पहिल्याच दिवशी ९५.१० कोटी रुपयांची कमाई केली आहे.

प्रसिद्ध चित्रपट समीक्षक तरण आदर्श यांनी या सिनेमाला ५ पैकी ४.५ स्टार्स दिले आहेत. त्यांनी 'दृश्यम ३' ला "शुअर-शॉट ब्लॉकबस्टर" असं म्हटलंय. एका प्रेक्षकाने कमेंट केलीय की, 'हा एक परफेक्ट सिनेमा आहे. मल्याळम व्हर्जनपेक्षा हिंदीत तो जास्त चांगला बनवलाय. दृश्यम हे नाव किती परफेक्ट आहे, हे यातून सिद्ध होतं. सिनेमातील ट्विस्ट्स एकदम भारी आहेत. जर हीच कथा मल्याळममध्ये लालएट्टन (मोहनलाल) सोबत केली असती, तर सिनेमा वेगळ्याच लेव्हलवर गेला असता. लालएट्टनचा दमदार अभिनयही पाहायला मिळाला असता.'

ट्विटरवर आणखी एका युझरने लिहिलंय, 'दृश्यम ३ सुरुवातीपासून शेवटपर्यंत एक थरारक अनुभव देतो. मल्याळम व्हर्जनपेक्षा हा खूप चांगल्या प्रकारे बनवला गेलाय. उत्तम स्क्रीनप्ले, बॅकग्राउंड म्युझिक आणि कलाकारांचा दमदार अभिनय या सिनेमाला बेस्ट बनवतो. सर्वात जमेची बाजू म्हणजे, तुम्ही यातील ट्विस्ट्सचा आधीच अजिबात अंदाज लावू शकत नाही.' यासोबतच प्रेक्षक जयदीप अहलावतच्या अभिनयाचंही भरभरून कौतुक करत आहेत.

मल्याळम ओरिजिनलच्या तुलनेत हिंदी रिमेकच्या कथेत काही बदल केले जातील, असं दिग्दर्शक जीतू जोसेफ यांनी आधीच सांगितलं होतं. हिंदी प्रेक्षकांच्या आवडीनुसार स्क्रिप्टमध्ये काही बदल करण्यात आले असून, त्या बदलांवर आपल्याशी चर्चा झाल्याचंही त्यांनी स्पष्ट केलं होतं. 'दृश्यम द कन्क्लूजन' चं दिग्दर्शन अभिषेक पाठक यांनी केलं आहे. या सिनेमात अजय देवगण, तब्बू, जयदीप अहलावत आणि श्रिया सरण यांच्या प्रमुख भूमिका आहेत.