Dhurandhar The Revenge Box Office Day 1 : 100 कोटींची ओपनिंग, तरीही 'धुरंधर' या 3 सिनेमांपुढे फिका; पाहा टॉप लिस्ट

Dhurandhar The Revenge Box Office Day 1 : रणवीर सिंगच्या 'धुरंधर: द रिव्हेंज' सिनेमानं बॉक्स ऑफिसवर धुमाकूळ घातलाय. पहिल्याच दिवशी सिनेमानं १०० कोटींपेक्षा जास्त कमाई केली. पण तरीही, टॉप ३ सर्वात मोठ्या ओपनर सिनेमांच्या यादीत स्थान मिळवू शकलेला नाही.

द रिव्हेंज'ने पहिल्या दिवशी

आदित्य धरच्या दिग्दर्शनाखाली बनलेल्या 'धुरंधर: द रिव्हेंज'ने पहिल्या दिवशी देशभरात जवळपास १००.२३ कोटी रुपयांची कमाई केली. यापैकी ९६.७८ कोटी रुपये फक्त हिंदी व्हर्जनने कमावले आहेत. तर उरलेले ३.४८ कोटी रुपये सिनेमाच्या इतर चार भाषांमधील (तेलुगू, तमिळ, कन्नड आणि मल्याळम) व्हर्जनमधून आले आहेत.

यादीत जागा मिळवू शकला नाही

स्पाय अॅक्शन ड्रामा 'धुरंधर: द रिव्हेंज'ने पहिल्या दिवशी १०० कोटींहून अधिक कमाई केली असली तरी, तो देशातील टॉप ३ सर्वात मोठ्या ओपनर सिनेमांच्या यादीत जागा मिळवू शकला नाही. या यादीत तो चौथ्या क्रमांकावर आहे. चला, आता देशातील टॉप ३ ओपनर सिनेमांवर एक नजर टाकूया…

1. पुष्पा 2 : द रूल (2024)

अल्लू अर्जुन आणि रश्मिका मंदाना यांचा तेलुगू सिनेमा 'पुष्पा २: द रूल' हा आतापर्यंतचा सर्वात मोठा ओपनिंग करणारा सिनेमा आहे. सुकुमारने दिग्दर्शित केलेल्या या अॅक्शन थ्रिलर सिनेमाने पहिल्या दिवशी देशभरात सुमारे १६४ कोटी रुपयांची कमाई केली होती. 'धुरंधर: द रिव्हेंज'च्या पेड प्रिव्ह्यूचे आकडे (४३ कोटी रुपये) जरी यात मिळवले, तरी तो 'पुष्पा २'च्या पहिल्या दिवसाच्या कमाईपेक्षा खूपच मागे आहे. 'पुष्पा २'च्या लाइफटाइम कलेक्शनबद्दल बोलायचं झाल्यास, या सिनेमाने भारतात नेट १,२३४ कोटी आणि जगभरात ग्रॉस १,७४२ कोटी रुपये कमावले होते.

2. RRR (2022)

एस.एस. राजामौली यांनी दिग्दर्शित केलेला एपिक पीरियड अॅक्शन ड्रामा 'RRR'ने पहिल्या दिवशी सुमारे १३३ कोटी रुपयांची कमाई केली होती. राम चरण आणि ज्युनियर एनटीआर यांच्या या तेलुगू पॅन-इंडिया सिनेमाने भारतात लाइफटाइम ७८२ कोटी आणि जगभरात १२३० कोटी रुपयांची कमाई केली होती.

3. KGF Chapter 2 (2022)

हा कन्नड सिनेसृष्टीतील एक पॅन-इंडिया सिनेमा आहे, ज्यात रॉकिंग स्टार यशने मुख्य भूमिका साकारली होती. या सिनेमाने पहिल्या दिवशी देशभरात ११६ कोटी रुपयांची कमाई केली होती. प्रशांत नीलने दिग्दर्शित केलेल्या या सिनेमाने भारतात नेट ८६० कोटी आणि जगभरात ग्रॉस १,२१५ कोटी रुपयांचं ग्रॉस कलेक्शन केलं होतं.

देशातील टॉप ५ ओपनर

देशातील टॉप ५ ओपनर सिनेमांच्या यादीत पाचव्या क्रमांकावर प्रभास, अमिताभ बच्चन, कमल हासन आणि दीपिका पादुकोण यांचा 'कल्की २८९८ एडी' हा सिनेमा आहे. नाग अश्विनने दिग्दर्शित केलेल्या या सिनेमाने पहिल्या दिवशी भारतात ९५ कोटी रुपये कमावले होते. सिनेमाचं भारतातील लाइफटाइम कलेक्शन ६४६ कोटी रुपये आणि जगभरातील कलेक्शन सुमारे १,०४२ कोटी रुपये होतं.