Om Movie Release: हातात बंदूक घेऊन धनुष आणि मम्मूटी; 'ओम' चित्रपट नोव्हेंबरमध्ये येणार

राजकुमार पेरियासामी दिग्दर्शित 'ओम' या नव्या तमिळ चित्रपटात धनुष आणि मम्मूटी मुख्य भूमिकेत आहेत. हा चित्रपट २० नोव्हेंबरला रिलीज होणार आहे. रजनीकांत यांच्या 'जेलर २' मुळे ऑक्टोबरची रिलीज डेट पुढे ढकलण्यात आली आहे.

धनुष आणि मम्मूटी यांच्या बहुचर्चित 'ओम' या नव्या तमिळ चित्रपटाची रिलीज डेट अखेर समोर आली आहे. हा चित्रपट २० नोव्हेंबरला थिएटरमध्ये धडकणार आहे. मेकर्सनी रिलीज डेटची घोषणा करताना एक नवा पोस्टरही शेअर केलाय. या पोस्टरमध्ये धनुष आणि मम्मूटी हातात बंदूक घेऊन उभे असलेले दिसत आहेत. 'अमरन' फेम राजकुमार पेरियासामी या चित्रपटाचं दिग्दर्शन करत आहेत.

आधी हा चित्रपट १६ ऑक्टोबरला रिलीज होणार होता. पण रजनीकांत यांच्या 'जेलर २' चित्रपटाला सन्मान देण्यासाठी 'ओम'ची रिलीज डेट पुढे ढकलण्यात आली. 'जेलर २' १५ ऑक्टोबरला थिएटरमध्ये येणार आहे. मम्मूटी बऱ्याच काळानंतर तमिळ चित्रपटात काम करत आहेत. धनुष मुख्य भूमिकेत असलेल्या या चित्रपटात मम्मूटींचा रोल खूप महत्त्वाचा आहे.

धनुष आणि मम्मूटी यांच्यासोबतच नसीरुद्दीन शाह सुद्धा या चित्रपटात दिसणार आहेत. तब्बल ३२ वर्षांनंतर मम्मूटी आणि नसीरुद्दीन शाह एकत्र स्क्रीन शेअर करत आहेत. याआधी १९९४ मध्ये आलेल्या 'पोंथन माडा' या चित्रपटात दोघांनी एकत्र काम केलं होतं. मम्मूटी तब्बल ८ वर्षांनंतर तमिळमध्ये कमबॅक करत आहेत. २०१८ मध्ये राम दिग्दर्शित 'पेरन्बू' हा त्यांचा शेवटचा तमिळ चित्रपट होता.

'ओम' चित्रपट दोन भागांमध्ये रिलीज होणार आहे. पहिल्या भागाचं नाव 'ओम चॅप्टर १, उधिरम: द ब्लड वुड' असं ठेवण्यात आलंय. धनुषची वंडरबार फिल्म्स आणि आर टेक स्टुडिओज मिळून या पॅन इंडिया चित्रपटाची निर्मिती करत आहेत. सई पल्लवी या चित्रपटात मुख्य अभिनेत्री आहे, तर श्रीलीला सुद्धा एका महत्त्वाच्या भूमिकेत दिसणार आहे. सई अभ्यंकर या चित्रपटाला संगीत देत आहे. धनुषच्या करिअरमधला हा ५५ वा चित्रपट असून, 'डी ५५' हे याचं वर्किंग टायटल होतं. हा चित्रपट तमिळ, तेलुगू आणि हिंदी भाषांमध्ये रिलीज होणार आहे.