बोमन इराणी यांच्या 'द मेहता बॉयज'चा जागतिक प्रीमियर

प्रख्यात अभिनेता बोमन इराणी यांच्या दिग्दर्शकीय पदार्पणाचा चित्रपट 'द मेहता बॉयज' शिकागो साऊथ एशियन फिल्म फेस्टिवलमध्ये प्रीमियर होणार आहे. हा चित्रपट एका पिता आणि त्याच्या मुलाच्या नात्यावर आधारित आहे, ज्यात श्रेया चौधरी देखील प्रमुख भूमिकेत आहे.

प्रख्यात अभिनेता बोमन इराणी यांच्या बहुप्रतीक्षित दिग्दर्शकीय पदार्पणाची चित्रपट ‘द मेहता बॉयज’ २० सप्टेंबर रोजी शिकागो साऊथ एशियन फिल्म फेस्टिवल (CSAFF) च्या १५व्या आवृत्तीत प्रीमियर होणार आहे. बोमन इराणी, श्रेया चौधरी आणि अविनाश तिवारी यांच्या प्रमुख भूमिका असलेला हा चित्रपट एक पिता आणि पुत्र यांच्यातील तणावपूर्ण नात्यावर आधारित आहे, ज्यात ओळख, कुटुंब आणि आपलेपणाच्या भावनांचे गहन पैलू समोर येतात.

‘द मेहता बॉयज’ मध्ये प्रमुख महिला भूमिका साकारणारी श्रेया चौधरी या जागतिक प्रीमियरबद्दल अत्यंत उत्साहित आहे. तिने आपला आनंद व्यक्त करताना सांगितले, “शिकागो साऊथ एशियन फिल्म फेस्टिवलसाठी जाणे खूप खास आहे, विशेषतः कारण आमच्या चित्रपटाचा वर्ल्ड प्रीमियर च उद्घाटन रात्री होत आहे! अशा प्रतिष्ठित व्यासपीठावर आमचे काम प्रदर्शित होणे हा मोठा सन्मान आहे आणि या आंतरराष्ट्रीय मान्यतेबद्दल मी अत्यंत कृतज्ञ आहे.”

चित्रपटातील आपल्या प्रवासाविषयी आणि बोमन इराणी यांच्यासोबत काम केल्याबद्दल ती म्हणाली, “द मेहता बॉयज माझ्यासाठी खूप खास आहे. बोमन इराणी सरांसारख्या दिग्गज दिग्दर्शकांसोबत काम करण्याची संधी मिळणे हे माझ्यासाठी खूप मोठे भाग्य आहे. करिअरच्या सुरुवातीच्या टप्प्यात ऑस्कर विजेते लेखक अलेक्झांडर डिनेलारिस यांच्यासोबत काम करणे हे माझ्यासाठी खूपच खास आहे. बोमन सरांच्या अनुभवामुळे प्रत्येक दिवस एक मास्टरक्लास होता. त्यांनी माझ्यावर विश्वास दाखवून मला या भूमिकेसाठी निवडल्याबद्दल मी त्यांची खूप आभारी आहे.”

श्रेया पुढे म्हणाली, “या चित्रपटाने आंतरराष्ट्रीय पातळीवर मिळवलेल्या यशाबद्दल मला खूप आनंद आहे. 'द मेहता बॉयज' चे व्यापक प्रेक्षकांपर्यंत पोहोचणे हे एक स्वप्न साकार होण्यासारखे आहे. चित्रपटासाठी आम्हा सर्वांनी खूप मेहनत केली आहे आणि हे यश मिळाल्यामुळे आमच्यासाठी हे क्षण अधिक खास झाले आहेत.”

‘द मेहता बॉयज’ च्या वर्ल्ड प्रीमियरची घोषणा होताच करण जोहर, फराह खान आणि अभिषेक बच्चन यांनी सोशल मीडियावर आपला आनंद व्यक्त केला.