Confirms Breakup: अर्जुन कपूर आणि मलायका अरोरा यांचा ब्रेकअप

बॉलिवूडमधील हॉट कपल मलायका अरोरा आणि अर्जुन कपूर यांचे ब्रेकअप झाले आहे, अशी बातमी वर्षाच्या सुरुवातीपासूनच चर्चिली जात होती. मात्र, मलायकाच्या वडिलांच्या निधनाच्या वेळी अर्जुन तिच्या पाठीशी उभा राहिला होता. त्यामुळे दोघे पुन्हा एकत्र आले असतील असा चाहत्यांना वाटले होते, पण आता त्यावर स्पष्टता आली आहे. अर्जुन कपूरने मलायकाच्या बाबतीत मौन सोडले आहे. दोघांमध्ये ब्रेकअप झाल्याच्या बातम्या केवळ अफवा नसून सत्य असल्याचे त्याने स्पष्ट केले आहे. 

राज ठाकरे यांच्या दिवाळी पार्टीत सहभागी झालेल्या अर्जुन कपूरला माइक हातात घेत असताना मलायका, मलायका असा आवाज आला. मी आता सिंगल आहे, रिलॅक्स, असे म्हणत अर्जुन कपूरने दोघांमध्ये ब्रेकअप झाल्याचे आणि मलायकापासून वेगळे झाल्याचे स्पष्ट केले.

अर्जुन कपूरचा हा व्हिडिओ सोशल मीडियावर व्हायरल झाला आहे. युजर्स मलायकाला का सोडले असा प्रश्न विचारत आहेत. मलायकाला रामराम ठोकून अर्जुन कपूर दुसऱ्या कोणाशीतरी लग्न करणार आहेत, संसार करायचा नव्हता तर प्रेम का करायचे होते, यांच्यासाठी लग्न म्हणजे एक खेळ.. अशा अनेक कमेंट्स सोशल मीडियावर पाहता येतात.

अर्जुन कपूर आणि मलायका अरोरा वेगळे झाले आहेत ही जुनी बातमी असली तरी अर्जुन आणि मलायकाने याबाबत अद्याप स्पष्टीकरण दिले नव्हते. गेल्या सहा महिन्यांपासून ते कोणत्याही कार्यक्रमात एकत्र दिसले नव्हते. अर्जुन कपूरच्या वाढदिवसाला बॉलिवूडमधील अनेक कलाकार उपस्थित होते, पण मलायका आली नव्हती. तसेच मलायकाच्या वाढदिवसालाही अर्जुन अनुपस्थित होता. हे सर्व पाहून चाहत्यांना दोघे वेगळे झाले असतील असा संशय आला होता. तो आता खरा ठरला आहे.

पाच वर्षे एकमेकांना डेट केल्यानंतर, त्यांचे मार्ग आता वेगळे झाले आहेत हे स्पष्ट झाले आहे. गेल्या वर्षी ऑगस्टमध्ये, मलायकाने अर्जुनच्या कुटुंबाला सोशल मीडियावर अनफॉलो केले होते, तेव्हापासून त्यांच्या ब्रेकअपच्या बातम्या व्हायरल होत होत्या.

मलायका अरोराने अरबाज खानला घटस्फोट दिल्यानंतर पाच वर्षे अर्जुन कपूरला डेट केले होते. सर्वत्र एकत्र दिसणाऱ्या या जोडीच्या रोमान्सने बरीच चर्चा निर्माण केली होती. काही वर्षांपूर्वी दोघांमध्ये मतभेद निर्माण होऊ लागले आणि शेवटी ते वेगळे झाले. दोघे वेगळे होण्याचे कारण काय हे स्पष्ट झाले नसले तरी, माध्यमांनी लग्न हे कारण असल्याचे म्हटले आहे. मलायका अरोरा अर्जुन कपूरशी लग्न करू इच्छित होती. पण अर्जुन लग्नासाठी तयार नव्हता. करण जोहरच्या शोमध्येही अर्जुन कपूरने याबाबत भाष्य केले होते. लग्न कधी असा प्रश्न विचारला असता, हा लग्नाबद्दल बोलण्याचा वेळ नाही. मलायकासोबत आलो तेव्हा याबाबत बोलतो, असे तो म्हणाला होता. वेगळे झाल्यानंतरही दोघांमध्ये मैत्री कायम राहिली आहे. मलायकाचे सावत्र वडील अनिल मेहता यांच्या निधनाच्या वेळी अर्जुन मलायकाच्या कुटुंबासोबत होता.