Katrina Kaif: कतरिना कैफला आलिया भट्टचा पाठिंबा, लंडनमधील लूकची होतेय चर्चा
सार
कतरिना कैफला सध्या तिच्या वाढलेल्या वजनावरून ट्रोल केलं जात आहे. पण अशातच आलिया भट्टने कतरिनाला पाठिंबा देत तिच्या नव्या लूकवर प्रेमाचा वर्षाव केला आहे.
कतरिना कैफ ही बॉलिवूडमधील सर्वात लोकप्रिय अभिनेत्रींपैकी एक आहे. तिचं सौंदर्य आणि व्यक्तिमत्त्व नेहमीच चाहत्यांची मनं जिंकतं. सध्या कतरिना तिच्या आयुष्यातील सर्वात सुंदर टप्पा एन्जॉय करत आहे. तिचा 'के ब्युटी' (Kay Beauty) हा ब्रँड ४०० कोटींचा टप्पा पार करून सुपरहिट ठरलाय. शिवाय, तिने आणि विकी कौशलने नुकतंच एका गोंडस मुलाचं स्वागत केलंय, ज्यामुळे तिचा आनंद गगनात मावेनासा झालाय.
वाढलेल्या वजनावरून कतरिनाला केलं ट्रोल
बाळाला जन्म दिल्यानंतर कतरिनाचं वजन थोडं वाढलं आहे. याच कारणावरून काही नेटकऱ्यांनी तिला ट्रोल करायला सुरुवात केली. या असंवेदनशील कमेंट्समुळे सोशल मीडियावर एकच वाद पेटला. नुकतंच आई झालेल्या एका महिलेचा असा अपमान करणं चुकीचं असल्याचं अनेकांनी म्हटलं. सलमान खानसह अनेक सेलिब्रिटी आणि इन्फ्लुएंसर्स कतरिनाच्या समर्थनार्थ पुढे आले.
लंडनमध्ये 'के ब्युटी'चा शानदार इव्हेंट
'के ब्युटी'च्या यशाचं सेलिब्रेशन करण्यासाठी कतरिनाने लंडनमध्ये एका खास इव्हेंटचं आयोजन केलं होतं. या कार्यक्रमासाठी तिने बोल्ड अर्थी टोन्स (Earthy tones) असलेला ड्रेस घातला होता. रिया कपूरने तिला स्टाईल केलं होतं. मोकळे केस, हलकी लिपस्टिक आणि तिचा तो रुबाब... सगळंच एकदम परफेक्ट होतं. लंडनमधील अनेक इन्फ्लुएंसर्सनी त्यांच्या या 'चाइल्डहूड क्रश'सोबत रील्स बनवले आणि ते लगेचच व्हायरलही झाले. कतरिनाचे हे फोटो समोर येताच चाहते तिच्या लूकच्या प्रेमात पडले. विशेष म्हणजे, या सगळ्यात आलिया भट्ट हिनेही कतरिनाला सपोर्ट केला. रिया कपूरने शेअर केलेल्या कतरिनाच्या फोटोंवर आलियाने फायर इमोजी कमेंट करत आपला पाठिंबा दर्शवला.
इथे पाहा कतरिनाची पोस्ट!
वर्कफ्रंटबद्दल सांगायचं तर...
वर्कफ्रंटबद्दल बोलायचं तर, कतरिना लवकरच 'जी ले जरा' या चित्रपटात दिसणार आहे. यात तिच्यासोबत आलिया भट्ट आणि प्रियांका चोप्रा मुख्य भूमिकेत असतील. याशिवाय तिचे आणखी काही चित्रपट पाईपलाईनमध्ये आहेत.