71st National Film Awards: मोहनलाल यांना दादासाहेब फाळके पुरस्कार, शाहरुखला राष्ट्रीय पुरस्कार

71st National Film Awards: ७१व्या राष्ट्रीय चित्रपट पुरस्कार २०२५ मध्ये २०२३ सालच्या चित्रपटांना आणि कलाकारांना सन्मानित करण्यात आले. शाहरुख खानला 'जवान'साठी, तर विक्रांत मेस्सीला '१२वी फेल'साठी सन्मानित करण्यात आले आहे. 

71st National Film Awards: ७१व्या राष्ट्रीय चित्रपट पुरस्कारात २०२३ मध्ये प्रदर्शित झालेल्या चित्रपटांच्या विजेत्यांना पुरस्कार देण्यात आले आहेत. कोरोना काळात राष्ट्रीय चित्रपट पुरस्कार आयोजित होऊ शकले नव्हते. त्यामुळे यात एक वर्षाचे अंतर आले आहे. गेल्या वर्षी २०२४ मध्ये, २०२२ मध्ये प्रदर्शित झालेल्या चित्रपटांना पुरस्कार देण्यात आले होते. आता, २०२३ मध्ये प्रदर्शित झालेल्या चित्रपटांना सन्मानित करण्यात आले आहे.

मोहनलाल यांना पुरस्कार, शाहरुख खानने बनवला व्हिडिओ

राष्ट्रपती द्रौपदी मुर्मू यांनी शाहरुख खानला 'जवान'साठी, विक्रांत मेस्सीला '१२वी फेल'साठी सर्वोत्कृष्ट अभिनेत्याचा राष्ट्रीय पुरस्कार आपल्या हस्ते दिला आहे. तर 'मिसेस चॅटर्जी वर्सेस नॉर्वे'साठी राणी मुखर्जीला सर्वोत्कृष्ट अभिनेत्रीचा राष्ट्रीय पुरस्कार देण्यात आला आहे. 'द केरळ स्टोरी' चित्रपटाच्या दिग्दर्शकाला सर्वोत्कृष्ट दिग्दर्शकाचा राष्ट्रीय पुरस्कार देण्यात आला आहे. द्रौपदी मुर्मू यांनी आपल्या भाषणात दादासाहेब फाळके पुरस्कार विजेते मल्याळम अभिनेते मोहनलाल यांचे खूप कौतुक केले. तर मोहनलाल म्हणाले- 'सिनेमा माझा आत्मा आणि माझं हृदय आहे. माझा हा सन्मान केल्याबद्दल सर्वांचे आभार.' मोहनलाल यांना पुरस्कार मिळताच शाहरुख खान, राणी मुखर्जी आणि विक्रांत मेस्सी यांनीही उभे राहून त्यांच्या सन्मानार्थ टाळ्या वाजवल्या.

'१२वी फेल'ला सर्वोत्कृष्ट चित्रपटाचा पुरस्कार देण्यात आला. विधू विनोद चोप्रा यांनी हा पुरस्कार स्वीकारला.

पुरस्कार विजेत्यांची संपूर्ण यादी पाहा-   

हिंदी, इंग्रजी आणि तेलुगू भाषेत प्रदर्शित झालेल्या 'गुड वल्चर अँड ह्युमन'ला सर्वोत्कृष्ट माहितीपटाचा राष्ट्रीय पुरस्कार मिळाला आहे. याचे दिग्दर्शन ऋषिराज अग्रवाल यांनी केले आहे.

हिंदीमध्ये बनलेल्या 'द सायलेंट एपिडेमिक' या चित्रपटाला नॉन-फीचर फिल्म प्रकारात 'सामाजिक आणि पर्यावरणीय मूल्यांना प्रोत्साहन' देणारा सर्वोत्कृष्ट चित्रपट पुरस्कार मिळाला आहे.

२०२३ मध्ये प्रदर्शित झालेल्या तेलुगू चित्रपट 'हनुमान'ला स्टंट कोरिओग्राफीमध्ये राष्ट्रीय पुरस्कार देण्यात आला आहे.

'रॉकी और रानी की प्रेम कहानी'मधील सर्वोत्कृष्ट कोरिओग्राफीने (ढिंढोरा बाजे रे गाणे) राष्ट्रीय पुरस्कार जिंकला आहे. या चित्रपटात रणवीर सिंग, आलिया भट्ट यांची मुख्य भूमिका आहे.

नॉन-फीचर फिल्म (हिंदी) मध्ये 'द फर्स्ट फिल्म'साठी सर्वोत्कृष्ट दिग्दर्शकाचा पुरस्कार पीयूष ठाकूर यांनी जिंकला आहे.

नॉन-फीचर फिल्म प्रकारात सर्वोत्कृष्ट शॉर्ट मूव्हीचा राष्ट्रीय पुरस्कार हिंदी शॉर्ट फिल्म 'गिद्ध द स्कॅव्हेंजर'ला मिळाला आहे. मनीष सैनी यांनी याचे दिग्दर्शन केले आहे.

आसामच्या 'उत्पल दत्ता' यांनी सर्वोत्कृष्ट चित्रपट समीक्षकाचा राष्ट्रीय पुरस्कार जिंकला आहे.

संदीप रेड्डी वांगा दिग्दर्शित 'ॲनिमल'ला सर्वोत्कृष्ट साउंड डिझाइनसाठी राष्ट्रीय पुरस्कार देण्यात आला आहे. सचिन सुधाकरन आणि हरिहरन मुरलीधरन यांना हा पुरस्कार देण्यात आला आहे.

प्रादेशिक भाषेतील चित्रपटांना राष्ट्रीय चित्रपट पुरस्कार

सर्वोत्कृष्ट तेलुगू चित्रपट - भगवंत केसरी

सर्वोत्कृष्ट तमिळ चित्रपट - पार्किंग

सर्वोत्कृष्ट पंजाबी चित्रपट - गोड्डे गोड्डे चा

सर्वोत्कृष्ट गुजराती चित्रपट - 'वश'

सर्वोत्कृष्ट बंगाली चित्रपट - 'डीप फ्रीज'

सर्वोत्कृष्ट आसामी चित्रपट - रोंगातपु

सर्वोत्कृष्ट कन्नड चित्रपट - कंदीलू

सर्वोत्कृष्ट विशेष उल्लेख चित्रपट - ॲनिमल (री-रेकॉर्डिंग मिक्सर, एमआर राजाकृष्णन)

सर्वोत्कृष्ट ताई फाके चित्रपट - पाई तांग... स्टेप ऑफ होप

सर्वोत्कृष्ट गारो चित्रपट - रिमदोगितांगा

सर्वोत्कृष्ट ओडिया चित्रपट - पुष्कर

सर्वोत्कृष्ट मराठी चित्रपट - श्यामची आई

सर्वोत्कृष्ट मल्याळम चित्रपट - उल्लूझुकु

नॉन-फीचर फिल्म प्रकार

सर्वोत्कृष्ट संपादन नॉन-फीचर फिल्म पुरस्कार - मुव्हिंग फोकस (इंग्रजी)

सर्वोत्कृष्ट साउंड डिझाइन नॉन-फीचर फिल्म पुरस्कार - धुंदगिरी के फूल (हिंदी)

सर्वोत्कृष्ट नॉन-फीचर फिल्म (सामाजिक चिंता प्रोत्साहन) पुरस्कार - द सायलेंट एपिडेमिक (हिंदी)

सर्वोत्कृष्ट माहितीपट पुरस्कार - गॉड वल्चर अँड ह्युमन (इंग्रजी)

सर्वोत्कृष्ट कला/संस्कृती नॉन-फीचर फिल्म पुरस्कार - टाइमलेस तमिळनाडू (इंग्रजी)

सर्वोत्कृष्ट सिनेमॅटोग्राफी नॉन-फीचर फिल्म पुरस्कार - लिटल विंग्स (तमिळ)

सर्वोत्कृष्ट विशेष उल्लेख नॉन-फीचर फिल्म पुरस्कार - नेकल (मल्याळम)

सर्वोत्कृष्ट संगीत नॉन-फीचर फिल्म पुरस्कार - द फर्स्ट फिल्म (हिंदी)

सर्वोत्कृष्ट दिग्दर्शक नॉन-फीचर फिल्म पुरस्कार - पीयूष ठाकूर, द फर्स्ट फिल्म (हिंदी)

सर्वोत्कृष्ट शॉर्ट फिल्म नॉन-फीचर फिल्म पुरस्कार - गिद्ध द स्कॅव्हेंजर (हिंदी)

सर्वोत्कृष्ट नॉन-फीचर फिल्म पुरस्कार - द फ्लॉवरिंग मॅन (हिंदी)