22 Frames Casting Agency: '22 फ्रेम्स'ची कास्टिंग क्षेत्रात एन्ट्री; उन्नी मुकुंदनच्या पहिल्या दिग्दर्शकीय चित्रपटासोबत सुरुवात

सिनेमा आणि मनोरंजन क्षेत्रात नव्या टॅलेंटच्या शोधासाठी '22 फ्रेम्स' या नव्या टॅलेंट मॅनेजमेंट आणि कास्टिंग एजन्सीने आपलं काम सुरू केलं आहे.

सिनेमा आणि मनोरंजन क्षेत्रात टॅलेंट शोधण्यासाठी आणि त्यांना योग्य संधी देण्यासाठी '22 फ्रेम्स' या नव्या टॅलेंट मॅनेजमेंट आणि कास्टिंग एजन्सीने आपलं काम सुरू केलं आहे. टॅलेंट मॅनेजमेंट आणि कास्टिंग ही दोन्ही कामं '22 फ्रेम्स' एकाच छताखाली करणार आहे. नवीन चेहऱ्यांना आणि सध्या या क्षेत्रात काम करणाऱ्यांना जास्त संधी आणि प्रोफेशनल सपोर्ट देणं हा यामागचा मुख्य उद्देश आहे.

भारतीय मनोरंजन क्षेत्रातील वेगवेगळ्या प्लॅटफॉर्म्सवर काम करण्याचं '22 फ्रेम्स'चं टार्गेट आहे. कलाकार आणि इतर टॅलेंटला थेट निर्माते, प्रोडक्शन कंपन्या, ओटीटी प्लॅटफॉर्म्स आणि ब्रँड्ससोबत जोडण्याचं काम ही एजन्सी करेल. कलाकारांना लॉंग-टर्म सपोर्ट देण्यासोबतच वेगवेगळ्या प्रोजेक्ट्ससाठी कास्टिंगचं कामही ही एजन्सी पाहणार आहे.

सहसा टॅलेंट मॅनेजमेंट कंपन्या कलाकारांच्या करिअर ग्रोथवर फोकस करतात. तर कास्टिंग एजन्सीज प्रत्येक प्रोजेक्टसाठी योग्य कलाकार शोधण्यावर भर देतात. पण '22 फ्रेम्स' या दोन्ही सुविधा एकत्र देणार आहे. यामुळे सध्याच्या कलाकारांना चांगला प्रोफेशनल सपोर्ट मिळेल, शिवाय नव्या टॅलेंटला शोधून त्यांना योग्य संधी मिळवून देण्याचं कामही सोपं होईल. प्रोडक्शन हाऊससोबतच्या थेट कनेक्शनमुळे नव्या टॅलेंटला सिनेमा आणि इंडस्ट्रीमध्ये लवकर ब्रेक मिळायला मदत होईल.

पॅनोरमा स्टुडिओज आणि उन्नी मुकुंदन फिल्म्स (UMF) मिळून उन्नी मुकुंदनचा पहिला दिग्दर्शकीय चित्रपट बनवत आहेत. याच चित्रपटासोबत '22 फ्रेम्स एलएलसी'ने आपल्या कामाची सुरुवात केली आहे. या नव्या सुरुवातीनिमित्त अभिनेता, दिग्दर्शक आणि निर्माता उन्नी मुकुंदनने एका खास व्हिडिओ मेसेजद्वारे '22 फ्रेम्स'ला शुभेच्छा आणि पाठिंबा दिला. '22 फ्रेम्स'च्या मॅनेजिंग पार्टनर आणि 'स्टोरीज सोशल' या मार्केटिंग आणि कम्युनिकेशन कंपनीच्या संस्थापिका डॉ. संगीता जनचंद्रन यांनीही या नव्या उपक्रमाचे व्हिजन शेअर केले.

टॅलेंटेड लोकांना योग्य प्लॅटफॉर्म आणि संधी मिळणं खूप गरजेचं आहे, आणि '22 फ्रेम्स' नव्या कल्पना आणि टॅलेंटला पुढे जाण्याचा मार्ग नक्की दाखवेल, असा विश्वास उन्नी मुकुंदनने व्यक्त केला. तर, कलाकारांना योग्य संधी मिळवून देण्यासोबतच इंडस्ट्रीमध्ये चांगले संबंध प्रस्थापित करण्यावर '22 फ्रेम्स'चा भर असेल, असं डॉ. संगीता जनचंद्रन म्हणाल्या. ही फक्त एक टॅलेंट एजन्सी नसून, टॅलेंट शोधून त्यांना सपोर्ट करणारी आणि नव्या संधी मिळवून देणारी एक भक्कम सिस्टीम बनवण्याची आमची इच्छा आहे, असंही त्यांनी सांगितलं.

ऑडिशनची प्रक्रिया, निवड आणि प्रोफेशनल कॉन्ट्रॅक्ट्स या प्रत्येक टप्प्यावर पारदर्शकता ठेवण्यावर '22 फ्रेम्स'चा भर असणार आहे. कलाकारांना त्यांच्या शंका आणि तक्रारी मांडण्यासाठी आणि योग्य सपोर्ट मिळवण्यासाठी एजन्सी एक क्लिअर कम्युनिकेशन सिस्टीम तयार करणार आहे. जबाबदारीने काम करून एक प्रोफेशनल आणि सर्वांसाठी खुली टॅलेंट इकोसिस्टीम बनवण्याचं त्यांचं ध्येय आहे. टॅलेंट शोधणं, त्यांना ग्रूम करणं आणि सिनेमा व मनोरंजन क्षेत्रातील संधींशी जोडणं, यावर फोकस करून भारतीय मनोरंजन विश्वात नव्या संधी निर्माण करण्याचं '22 फ्रेम्स'चं टार्गेट आहे.

22 फ्रेम्सबद्दल थोडक्यात

22 फ्रेम्स एलएलसी ही भारतीय मनोरंजन आणि मीडिया क्षेत्रात टॅलेंट मॅनेजमेंट आणि कास्टिंग सेवा देणारी कंपनी आहे. निर्माते, प्रोडक्शन कंपन्या, ओटीटी प्लॅटफॉर्म्स आणि ब्रँड्सना कास्टिंग सेवा देण्यासोबतच, ही कंपनी कलाकार आणि इतर टॅलेंटला शोधून त्यांना प्रोफेशनली रिप्रेझेंट करते. टॅलेंट शोधणं, त्यांना योग्य संधी देणं आणि कामात पारदर्शकता ठेवणं यावर कंपनीचा मुख्य भर आहे