भावजयीची हत्या करून शीर कापले, आंबे तोडण्यावरुन झाले होते कडाक्याचे भांडण
सार
पुरुषाने महिलेचे शीर कापून रक्ताचा सडा घातला. शनिवारी सकाळी सात वाजता ही घटना पाहून बासंतीच्या स्थानिक रहिवाशांची झोप उडाली. पोलिसांच्या तपासात घटनेचे कारण उघड झाले.
कोलकता : शनिवारी सकाळी सात वाजता एका व्यक्तीला बासंती परिसरात एका महिलेचे शीर घेऊन फिरताना पाहिले. नंतर त्या व्यक्तीने बासंती पोलीस ठाण्यात आत्मसमर्पण केले. पण हा सूड का? या प्रश्नाचे उत्तर शोधण्याचे काम सुरू होते. अखेर पोलिसांनी संपूर्ण प्रकरण उघड केले. दक्षिण २४ परगणा बासंतीच्या पोलिसांनी याचा तपास केला.
पोलिसांनी दिलेल्या माहितीनुसार, आरोपीचे नाव बिमल आहे. ज्याची हत्या झाली तिचे नाव सती आहे. पोलिसांच्या माहितीनुसार, सतीचा पती चार महिन्यांपूर्वी मरण पावला. मुले शिक्षणासाठी सोनारपूरला राहतात. सतीच्या घराशेजारीच बिमलचे घर आहे. दोन्ही कुटुंबांमध्ये बराच काळ वाद सुरू होता. शेजारी असूनही त्यांचे संबंध खूप वाईट होते. शनिवारी ते आणखीच बिघडले.
शनिवारी सकाळी सती आपल्या घरासमोरील आंब्याच्या झाडावरून आंबे तोडत होती. तेव्हा बिमलने तिला अडवले. बिमलने दावा केला की झाड त्यांच्या मालकीचे आहे. सतीने सांगितले की झाड त्यांचे आहे. झाडावरून वाद सुरू झाला. त्याचवेळी बिमलने अचानक धारदार शस्त्र काढले. भावजयीला भोसकून धड आणि शीर वेगळे केले. त्यानंतर भावजयीचे शीर घेऊन संपूर्ण परिसरात फिरला.
कॅनिंग उपविभागीय पोलीस अधिकारी रामकुमार मंडल म्हणाले, आरोपीला अटक करण्यात आली आहे. शनिवारी दुपारी अलीपूर न्यायालयात हजर केले जाईल.
रस्त्यावरून एका महिलेचे शीर घेऊन एक तरुण फिरत आहे. एका हातात धारदार शस्त्र आहे. दुसऱ्या हातात महिलेचे मुंडके आहे. महिलेच्या मुंडक्यातून रक्त टपकत आहे. प्रत्यक्षदर्शींना पाहून भीती वाटली, पण तरुणाच्या चेहऱ्यावर भीतीचे नामोनिशान नव्हते. शनिवारी सकाळी सात वाजता हे चित्र पाहून स्थानिक रहिवाशांची झोप उडाली. अनेकजण अजूनही धक्क्यात आहेत.