बँकेतील स्ट्राँग रूम न उघडल्याने चोरटे पासबुक प्रिंटिंग मशीन चोरून नेले

स्ट्राँग रूम न उघडल्याने चोरटे एटीएम समजून पासबुक प्रिंटिंग मशीन घेऊन पळाले.  

हरिआणामध्ये गेल्या शनिवारी एक असामान्य बँक दरोडा झाला. चोरटे खिडकीचे ग्रील तोडून आत शिरले, पण स्ट्राँग रूम उघडू न शकल्याने, ते एटीएम मशीन समजून बँकेतील पासबुक प्रिंटिंग मशीन घेऊन पळाले. गेल्या शनिवारी रात्री हरियाणातील रेवारी जिल्ह्यातील कोसली शहरातील सेंट्रल बँक ऑफ इंडियाच्या शाखेत शिरलेल्या चोरांनी ही चूक केली. 

चोरटे पैशांसाठी बँक लुटायला आले होते. यासाठी ते मध्यरात्रीनंतर बँकेत पोहोचले आणि खिडकीचे ग्रील तोडून आत शिरले. मात्र, बँकेचा स्ट्राँग रूम उघडण्यात ते अपयशी ठरले. त्यानंतर, त्यांनी एटीएम समजून बँकेत असलेली तीन पासबुक प्रिंटर, चार बॅटरी आणि एक डीव्हीआर चोरल्याचे वृत्त आहे. 

दुसऱ्या दिवशी सकाळी आलेल्या बँक कर्मचाऱ्यांना दरोड्याची माहिती मिळाली आणि त्यांनी पोलिसांना कळवले. पोलिसांनी बँकेतील सीसीटीव्ही फुटेज तपासले तेव्हा चोरांनी केलेली चूक स्पष्ट झाली. बँकेत शिरलेल्या चोरांनी सीसीटीव्ही तोडण्याचा प्रयत्न केला, पण ते सर्व सीसीटीव्ही तोडण्यात अपयशी ठरले. बराच वेळ स्ट्राँग रूम तोडण्याचा प्रयत्न केल्यानंतर ते शेवटी पासबुक प्रिंटिंग मशीन घेऊन पळाले. पोलिसांनी गुन्हा दाखल करून तपास सुरू केला आहे. एटीएम समजून पासबुक प्रिंटिंग मशीन चोरून नेणाऱ्या चोरांनी पोलिसांनाही आश्चर्यचकित केल्याचे वृत्त आहे.