Kota Hostel Video: चोरीच्या भीतीने सीसीटीव्ही बसवला, रेकॉर्ड झालं भलतंच!
सार
कोटामधील एका हॉस्टेलचा सीसीटीव्ही व्हिडीओ व्हायरल होत आहे. यात एका विद्यार्थ्याच्या अंगावर झोपेत असताना अचानक भिंतीवरील मोठं कपाट कोसळताना दिसतंय. सुदैवाने या विद्यार्थ्याला काहीही दुखापत झाली नाही.
सोशल मीडियावर कोटा येथील एका हॉस्टेलचा धक्कादायक व्हिडीओ व्हायरल झाला आहे. या व्हिडीओत एक विद्यार्थी झोपलेला असताना त्याच्या अंगावर अचानक भिंतीवर लावलेले मोठे कपाट कोसळताना दिसतेय. विशेष म्हणजे कुठल्याही बाह्य दबावाशिवाय हे कपाट अचानक खाली पडले. सुदैवाने यात विद्यार्थ्याला गंभीर दुखापत झाली नाही.
हॉस्टेलच्या रूममध्ये लावलेल्या एका खासगी सीसीटीव्ही कॅमेऱ्यात ही घटना कैद झाली आहे. व्हिडीओसोबत दिलेल्या माहितीनुसार, हॉस्टेलमध्ये वारंवार होणाऱ्या चोऱ्यांमुळे विद्यार्थ्याने स्वतःच्या सुरक्षेसाठी हा कॅमेरा बसवला होता. विद्यार्थ्यांच्या हॉस्टेलमधील एक सामान्य रात्र क्षणात किती भयंकर होऊ शकते, हे या व्हिडीओवरून स्पष्ट होते.
सीसीटीव्ही फुटेजमध्ये दिसतंय की, एका लहानशा रूममध्ये विद्यार्थी झोपला आहे. त्याच्या आजूबाजूला पुस्तकं, नोट्स आणि इतर काही वस्तू विखुरलेल्या आहेत. तेवढ्यात अचानक भिंतीवर लावलेले पांढऱ्या रंगाचे मोठे कपाट तुटते आणि थेट बेडवर झोपलेल्या त्या विद्यार्थ्याच्या अंगावर कोसळते. कपाट पडल्याने त्यातील पुस्तकं आणि इतर साहित्य सगळीकडे पसरते.
कपाट अंगावर पडल्यानंतरही विद्यार्थी लगेच घाबरून उठत नाही. काही सेकंदांनंतर तो थोडा हसतो, कपाटावर हात ठेवतो आणि हळूहळू उठून बसतो. आजूबाजूला पडलेला पसारा पाहिल्यानंतर तो आपला मोबाईल हातात घेतो.
एवढे मोठे आणि जड कपाट थेट अंगावर पडूनही विद्यार्थ्याला कोणतीही दुखापत झालेली नाही, असे सांगण्यात येत आहे.
हा व्हायरल सीसीटीव्ही व्हिडीओ पहा
Another day in Kota, and this hostel CCTV footage is genuinely alarming!
According to the student who shared the video, he installed a personal security camera after repeated thefts in his hostel.
But instead of catching a thief, the camera captured something completely unexpected.
A large storage unit suddenly collapses toward the bed while students are resting nearby.
What makes this disturbing is how quickly an ordinary night could have turned into a serious accident.
Kota is known for its competitive exam preparation culture, but student accommodation and basic safety deserve just as much attention.
Students already deal with enormous academic pressure. They shouldn't have to worry about whether their hostel furniture is securely installed.
Thankfully, the footage shows the students responding to the incident, though their condition hasn't been independently confirmed.
A reminder that hostel safety isn't a luxury. It's a basic necessity.
— Bhavesh Gujrati (@Bhaveshlivelife) November 9, 2026
या व्हिडीओसोबत शेअर करण्यात आलेल्या माहितीनुसार, हॉस्टेलमध्ये चोरीच्या घटना वाढल्याने या विद्यार्थ्याने रूममध्ये Ezviz कंपनीचा सीसीटीव्ही कॅमेरा बसवला होता.
आपल्या वस्तू सुरक्षित राहाव्यात आणि रूमवर लक्ष राहावे, या हेतूने त्याने कॅमेरा बसवला होता. मात्र, या कॅमेऱ्यात चोरीऐवजी कपाट कोसळल्याची घटना रेकॉर्ड झाली. या व्हिडीओमध्ये ६ एप्रिल २०२५ ची वेळ दिसत आहे.
सध्या सोशल मीडियावर हा व्हिडीओ मोठ्या प्रमाणात शेअर केला जातोय. यामुळे विद्यार्थ्यांच्या हॉस्टेलमधील फर्निचर आणि त्यांच्या सुरक्षेच्या मुद्द्यावर अनेक प्रश्न उपस्थित केले जात आहेत.