केव्हा खरेदी करावी नवीन कार? ५०/२०/४/१० हे आहे सूत्र

अनेकजण कर्ज घेऊन महागड्या कार खरेदी करतात. नंतर त्यांना प्रचंड ईएमआय भरावे लागतात, ज्यामुळे त्यांचे बजेट विस्कळीत होते. त्यामुळे गाडीचे बजेट अगोदरच ठरवावे.

तुम्ही बँकेकडून कर्ज घेऊन कार घेणार असाल तर आधी वेगवेगळ्या बँकांमधील स्वस्त कर्जांची तुलना करा. यानंतर ५०/२०/४/१० फॉर्म्युला वापरून नवीन कार खरेदी करा. यामुळे बजेट बिघडणार नाही.

या सूत्रात, ५० म्हणजे तुमचे अर्धे वार्षिक उत्पन्न आहे. याचा अर्थ, तुम्ही खरेदी करत असलेल्या कारची किंमत तुमच्या वार्षिक उत्पन्नाच्या निम्मी असावी. यामुळे बजेट व्यवस्थित राहते

कार खरेदी करण्याच्या सूत्रामध्ये, २० म्हणजे कारच्या किंमतीच्या २०% डाउन पेमेंट करणे. कार कर्जाचा कालावधी ४ वर्षांचा असावा. तर, १० म्हणजे EMI, जो वार्षिक उत्पन्नाच्या १०% असावा.

वार्षिक उत्पन्न १२ लाख रुपये असेल तर तुम्ही ६ लाख रुपयांची कार घ्यावी. ६ लाख रुपयांचे २०% डाउन पेमेंट करा म्हणजेच १,२०,००० रुपये व उर्वरित भाग म्हणजे ४.८० लाख रुपये कर्ज घ्यावे.

जर तुम्ही SBI कडून वाहन कर्ज घेत असाल आणि हे कर्ज ९.२% व्याजदराने उपलब्ध असेल आणि कर्जाचा कालावधी ४ वर्षांचा असेल तर तुमचा मासिक ईएमआय ११,९९० रुपये असेल.