हिवाळ्यात गावरान धारेच तूप घरच्या घरी कस बनवावं, प्रोसेस घ्या जाणून

हिवाळ्यात शरीराला उष्णता देण्यासाठी गावरान धारेचं तूप अत्यंत उपयुक्त मानलं जातं. घरचं तूप शुद्ध, पौष्टिक आणि आरोग्यास फायदेशीर असतं.

गावरान गायीचं दूध नैसर्गिक, घट्ट आणि पोषक घटकांनी भरलेलं असतं. यापासून तयार केलेलं तूप अधिक चवदार आणि औषधी गुणधर्म असलेलं ठरतं.

गावरान धारेचं दूध (आवश्यकतेनुसार), मातीचं किंवा स्टीलचं भांडं, रवी/घुसळणं, कढई

गावरान दूध चांगलं उकळून घ्या. नंतर ते पूर्ण थंड होऊ द्या. थंड झाल्यावर दूध विरजण लावून दही तयार करा. दही नीट सेट झाल्यावर ते घुसळून साजूक लोणी वेगळं काढा. 

लोणी कढईत घालून मंद आचेवर गरम करा. लोणी वितळून फेस येईल आणि हळूहळू तूप तयार होईल. तूप तयार झाल्यावर त्याला सोनेरी रंग आणि सुंदर सुगंध येतो. खाली दूधकण (भुके) बसतात.