प्रत्येक लूकला शोभतील ‘हे’ हूप इअररिंग्स; पाहा ट्रेंडी डिझाइन्स

उभ्या रेषा आणि छोट्या मण्यांच्या डिझाइनमुळे हे कानातले साधे असूनही आकर्षक दिसतात. खाली लटकणारे छोटे मणी आणि घुंगरू त्याला पारंपरिक लूक देतात.

हूपसोबत झुमक्याची जोड असल्यामुळे या डिझाइनमध्ये आधुनिक आणि पारंपरिक अशा दोन्ही शैलींचा मेळ पाहायला मिळतो. साडी किंवा सलवार सूटसोबत हे कानातले विशेष खुलून दिसू शकतात.

एकमेकांना जोडलेल्या ओव्हल आकाराच्या कड्यांमुळे या कानातल्यांना हटके लूक मिळतो. त्याला लटकणारे छोटे मणी आणि घुंगरू आकर्षण वाढवतात.

फुलांच्या नक्षीने सजवलेले हूप कानातले पारंपरिक दागिने आवडणाऱ्या महिलांसाठी चांगला पर्याय ठरू शकतात. छोट्या झुमक्यामुळे या डिझाइनला अधिक सुंदर लूक मिळतो.

पानांच्या आकाराची नक्षी, छोटे मणी आणि लटकणाऱ्या चेन यामुळे हे कानातले वेगळे दिसतात. दैनंदिन वापरासोबतच छोट्या समारंभासाठीही हा पर्याय निवडता येऊ शकतो.