बाथरूममध्ये पाण्याचे डाग, साबणाचा थर आणि दुर्गंधी पटकन जमा होते. त्यामुळे बाथरूमची डीप क्लिनिंग करणं गरजेचं आहे. चला, जाणून घेऊया 10 जबरदस्त डीप क्लिनिंग हॅक्स.
टॉयलेट सीटवरचे डाग आणि दुर्गंधी घालवण्यासाठी बेकिंग सोडा सर्वोत्तम आहे. सीटवर बेकिंग सोडा टाका, त्यावर थोडं व्हिनेगर घाला आणि काही मिनिटांनी ब्रशने स्वच्छ करा.
नळ आणि शॉवरवर पाण्याचे पांढरे डाग लवकर दिसू लागतात. ते स्वच्छ करण्यासाठी लिंबाचा वापर करा. अर्धं कापलेलं लिंबू नळावर घासा आणि 5-10 मिनिटांनी पाण्याने धुऊन टाका.
बाथरूमचे कोपरे आणि ग्राउटमध्ये (टाइल्समधील फट) घाण लवकर जमा होते. हे स्वच्छ करण्यासाठी जुना टूथब्रश वापरा. टूथब्रश साबण किंवा क्लिनरमध्ये बुडवून कोपऱ्यांमध्ये घासा.
बाथरूमच्या टाइल्सवर अनेकदा साबण आणि पाण्याचे डाग जमा होतात. यासाठी बेकिंग सोडा आणि व्हिनेगरचं मिश्रण खूप प्रभावी ठरतं. दोन्ही एकत्र करून ब्रशने हलकेच घासा आणि पाण्याने धुवा.
शॉवर हेडमध्ये अनेकदा क्षार आणि घाण जमा होते, ज्यामुळे पाण्याचा फ्लो कमी होतो. हे स्वच्छ करण्यासाठी शॉवर हेड व्हिनेगरने भरलेल्या प्लास्टिक बॅगमध्ये बांधून 30 मिनिटांसाठी ठेवा.
ड्रेनमध्ये केस आणि घाण जमा झाल्यामुळे दुर्गंधी येऊ लागते. यासाठी ड्रेनमध्ये बेकिंग सोडा टाका आणि वरून व्हिनेगर घाला. थोड्या वेळाने गरम पाणी टाका. यामुळे ड्रेन साफ होतो.
बाथरूमच्या आरशावर पाण्याचे डाग लवकर दिसतात. तो स्वच्छ करण्यासाठी ग्लास क्लिनर स्प्रे करा आणि वर्तमानपत्राने पुसून घ्या. यामुळे आरसा डागांशिवाय चमकू लागतो.
प्लास्टिकची बादली आणि मगवरही वेळेनुसार डाग पडतात. ते स्वच्छ करण्यासाठी बेकिंग सोडा आणि लिंबाचं मिश्रण लावून ब्रशने साफ करा. यामुळे डाग निघून जातात.
डीप क्लिनिंगनंतर बाथरूममध्ये ताज्या सुगंधासाठी लिंबाची साल कोपऱ्यात ठेवू शकता. यामुळे नैसर्गिक सुगंध येतो आणि दुर्गंधी कमी होते.
बाथरूममध्ये जास्त ओलावा असल्याने बुरशी आणि दुर्गंधी लवकर तयार होते. म्हणून, बाथरूमची खिडकी किंवा एक्झॉस्ट फॅन नक्की चालू ठेवा, जेणेकरून हवा खेळती राहील.