एकही फूल गळणार नाही! लिंबाच्या झाडासाठी वापरा हा जबरदस्त उपाय

लिंबाच्या झाडाला खूप जास्त पाणी किंवा खूप कोरडी माती चालत नाही. कुंडीतील मातीचा वरचा थर सुकल्यावरच पाणी द्या. जास्त पाण्यामुळे झाडाची मुळं कमकुवत होतात आणि फुलं गळायला लागतात.

झाडावर फुलं टिकून राहण्यासाठी पोटॅश खूप महत्त्वाचं आहे. महिन्यातून एकदा बोनमील किंवा केळ्याच्या सालीचं पाणी झाडाला द्या. यामुळे फुलं मजबूत होतात.

लिंबाच्या झाडाला रोज किमान ५-६ तास सूर्यप्रकाशाची गरज असते. कमी उन्हामुळे झाड कमजोर होतं आणि त्याची फुलं गळू लागतात.

झाडाच्या सुकलेल्या आणि कमकुवत फांद्या कापून टाका. यामुळे झाडाची ऊर्जा निरोगी फांद्यांकडे जाते आणि फुलं जास्त काळ टिकून राहतात.

तुमची कुंडी बाल्कनीत असेल आणि तिथे मधमाश्या येत नसतील, तर एका मऊ ब्रशने फुलांवरून हलक्या हाताने फिरवा. यालाच परागीभवन (पॉलीनेशन) म्हणतात.

खूप जोराचा वारा किंवा तापमानात अचानक होणारा बदल, यामुळेही फुलं गळतात. झाडाला अशा ठिकाणी ठेवा जिथे थेट वाऱ्याचा झोत लागणार नाही.