वैभव सूर्यवंशी भारतीय संघातून लवकरच खेळणार, १५ वर्षांचा झाला बेबी हल्क

भारतीय युवा क्रिकेटपटू वैभव सूर्यवंशी आज 15 वर्षांचा झाला आहे. या वयातही त्याने क्रिकेटविश्वात मोठी छाप सोडली आहे. राजस्थान रॉयल्स कडून खेळताना तो आधीच चर्चेत आला आहे.

15 वर्षे पूर्ण होताच तो आंतरराष्ट्रीय वरिष्ठ क्रिकेटसाठी पात्र ठरला आहे. त्यामुळे लवकरच टीम इंडियामध्ये संधी मिळण्याची चर्चा रंगली आहे.

आयपीएलमधील सर्वात तरुण खेळाडू म्हणून वैभवला ओळखलं जात. पदार्पणात पहिल्याच चेंडूवर षटकार मारला असून अवघ्या 14 व्या वर्षी शतक पूर्ण केलं. 

त्याच्या आक्रमक फलंदाजीमुळे तो भविष्यातील सुपरस्टार मानला जात आहे. त्याच्या जोरदार फटक्यांमुळे चाहत्यांनी त्याला “बेबी हल्क” हे टोपणनाव दिले आहे. 

बिहारमधील छोट्या गावातून आलेल्या या खेळाडूने प्रचंड मेहनतीच्या जोरावर राष्ट्रीय स्तर गाठला. कुटुंबाच्या पाठिंब्यामुळे त्याचा प्रवास अधिक मजबूत झाला.

वयाची अट पूर्ण झाल्याने आता सर्वांचे लक्ष त्याच्या टीम इंडियातील संभाव्य पदार्पणाकडे लागले आहे. येत्या काळात तो भारतीय क्रिकेटचा मोठा चेहरा ठरू शकतो.