ठाण्यातील ५ दहिहंडीला भेट द्या, ९ थर लावणाऱ्या पथकास लाखोंचे बक्षीस

दहीहंडीची पंढरी म्हणून ठाण्याची ओळख तयार झाली आहे. आपण येथील पाच मानाच्या दहीहंडीच्या ठिकाणांना भेट देऊ शकता. आपण त्याबद्दलची माहिती आज जाणून घेणार आहोत.

शिवसेनेचे दिवंगत नेते आनंद दिघे यांनी ठाण्यातील टेंभीनाका येथे दहीहंडीला सुरुवात केली होती. येथे होणाऱ्या स्पर्धेचे पहिले बक्षीस १ लाख ५१ हजार रुपयांचे पारितोषिक देण्यात येणार आहे.

आनंद चॅरिटेबल ट्रस्टच्या माध्यमातून माजी खासदार राजन विचारे हे दहीहंडी भरवत असतात. या ठिकाणी मुंबईतील अनेक गोविंदा पथक हजेरी लावणार आहेत. आमदार आदित्य ठाकरे दहीहंडीला हजेरी लावतात.

संस्कृती युवा प्रतिष्ठानच्या माध्यमातून मंत्री प्रताप सरनाईक हे दहीहंडीचे आयोजन करत असतात. या ठिकाणी यंदा स्पेनमधील पथके हजेरी लावणार आहेत. येथे गोविंदा पथकांनी विक्रम केले आहेत.

संकल्प प्रतिष्ठानच्या माध्यमातून शिंदे गटाचे नेते रवींद्र पाठक हे दहीहंडीचे आयोजन करत असतात. येथे लाखोंची बक्षीस पथकांना देण्यात येणार आहेत. 

मनसेचे नेते अविनाश जाधव यांच्याकडून या दहीहंडीचे आयोजन केले जात असते. राज ठाकरे हे या दहीहंडीच्या कार्यक्रमाला हजर राहतात. यावर्षी मराठीचा मुद्दा येथे गाजण्याची शक्यता आहे.