पावसाळ्यात महाबळेश्वरला फिरायला जा, एव्हरग्रीन फॉरेस्टचा घ्या अनुभव

महाबळेश्वर हे सह्याद्री पर्वतरांगांतील एक प्रसिद्ध हिल स्टेशन आहे. पावसाळ्यात हे ठिकाण हिरवाईने नटलेलं असतं. इथलं सरासरी पावसाचं प्रमाण जुलै–ऑगस्टमध्ये २००० मिमी पेक्षा जास्त असतं.

महाबळेश्वर हे सह्याद्रीतील ‘एव्हरग्रीन फॉरेस्ट’ म्हणून ओळखलं जातं. पावसाळ्यात येथे डोंगराच्या उतारावरून लहान मोठे झरे वाहू लागतात. एलफिन्स्टन पॉईंट धुक्याने झाकलेली दिसतात.

लिंगमाळा धबधबा, चिन्ना धबधबा, आणि बामणोली धरणाच्या आसपासचे झरे याठिकाणी पावसाळ्यात वाहायला लागतात. प्रवाह जोरात वाहतो, त्यामुळे फोटोसाठी आणि शांत क्षणासाठी हे ठिकाण खास आहे.

पावसाळ्यात महाबळेश्वरचं तापमान १८ ते २२ अंश सेल्सियस दरम्यान राहतं. धुके इतकं दाट असतं की ५ मीटर पुढेही काही दिसत नाही. त्यामुळे गाडी चालवताना काळजी घ्यावी.

महाबळेश्वरला फक्त थंडी किंवा स्ट्रॉबेरी साठी जाऊ नका. पावसाळ्यात इथलं सौंदर्य, हवामान आणि निसर्गाचं एकत्रित दर्शन मिळतं.