उन्हाळ्यात डिहायड्रेशन टाळण्यासाठी काय करायला हवं, जाणून घ्या

दिवसाला किमान ८-१० ग्लास पाणी प्या. जर जास्त घाम येत असेल, तर १-२ ग्लास अधिक पाणी घ्या. बाहेर जाताना पाण्याची बाटली सोबत ठेवा.

नारळपाणी घेतल्यास शरीरात इलेकट्रोलाईट संतुलित राहतं. ताक पिल्यावर शरीर थंड राहून पचन सुधारत जातं. उन्हाळ्यात उष्णता कमी करण्यासाठी उत्तम राहतं. 

कलिंगड, काकडी, संत्री, द्राक्षे, टोमॅटो, पपई, स्ट्रॉबेरी, नारळ यांसारखी पाणीयुक्त फळे व भाज्या खा. गोड, तळलेले आणि जड पदार्थ टाळा, कारण ते शरीरात उष्णता वाढवतात.

दुपारी १२ ते ३ वाजताच्या दरम्यान उन्हात जाणे शक्यतो टाळा. बाहेर पडताना हलके आणि सुटसुटीत सुती कपडे घाला. टोपी, गॉगल आणि छत्रीचा वापर करा.

कॅफिनयुक्त पदार्थ (चहा, कॉफी, सोडा, अल्कोहोल) टाळा, कारण ते शरीरातील पाणी कमी करतात. त्याऐवजी हर्बल टी किंवा ग्रीन टी घेऊ शकता.

घामामुळे शरीरातील सोडियम, पोटॅशियम आणि मिनरल्स कमी होतात, त्यामुळे ORS (ओआरएस), लिंबूपाणी, साखर-मीठ पाणी यांचा आहारात समावेश करा.