मिठाच्या डब्यात पाणी गेलंय? वापरा ही ट्रिक

आपण सहसा मीठ ओलसर झाल्यावर ते उन्हात वाळवण्याचा प्रयत्न करतो. किंवा ते फेकून देऊन नवीन मीठ आणतो. पण आता असं अजिबात करू नका.

ओलसर झालेलं मीठ पुन्हा पहिल्यासारखं कोरडं करण्यासाठी तुमच्या स्वयंपाकघरातील 'एक मूठभर तांदूळ' पुरेसा आहे!

तुम्ही पाणी गेलेल्या मिठाच्या डब्यात किंवा बरणीत एक मूठभर कोरडे तांदूळ टाका आणि ते चांगले मिसळा. त्यानंतर झाकण लावून डबा बाजूला ठेवा.

तांदळामध्ये ओलावा वेगाने शोषून घेण्याचा नैसर्गिक गुणधर्म असतो. तांदूळ काही तासांतच मिठातील अतिरिक्त पाणी पूर्णपणे शोषून घेतात.

थोड्या वेळानंतर मीठ पूर्णपणे सुकतं आणि पहिल्यासारखं कोरडं होतं. तुम्ही हवं असल्यास तांदूळ चाळणीने वेगळे करू शकता किंवा तसेच ठेवू शकता.

मीठ ओलसर होऊन त्याचे खडे होऊ नयेत म्हणून, तुम्ही मिठाच्या डब्यात नेहमी १० ते १५ तांदळाचे दाणे टाकून ठेवणं फायद्याचं ठरतं.