मकरसंक्रांती आली जवळ, तिळाचे लाडू बनवण्याची प्रक्रिया जाणून घ्या

मकरसंक्रांती सणाला दरवर्षी मोठे लोक लहानांना तिळगुळ देऊन गोड बोला असं सांगत असतात. यादिवशी तिळाचे पदार्थ खाण्याची प्रथा पूर्वीपासून चालत आली आहे. 

• तिळ – 1 कप
• गूळ (चिरलेला) – 3/4 कप
• शेंगदाणे – 1/4 कप
• तूप – 1 टेबलस्पून
• वेलची पूड – 1/4 टीस्पून

एका कोरड्या कढईत मध्यम आचेवर तिळ टाकून हलके सोनेरी रंग येईपर्यंत भाजा. भाजलेले तिळ थंड होण्यासाठी बाजूला ठेवा.

शेंगदाणेदेखील कढईत भाजून त्यांची सालं काढा आणि थोडे थोडे कुटून ठेवा.

कढईत तूप गरम करून त्यात गूळ टाका. गूळ वितळून एकसंध होईपर्यंत हलवत राहा. (थोडं पाणी टाकल्यास गूळ नीट वितळतो.) गुळाचा थोडासा चाचणीसाठी थंड करून चिकटसर होतो का ते बघा.

आता वितळलेल्या गुळामध्ये भाजलेले तिळ, शेंगदाणे, आणि वेलची पूड घाला. गॅस बंद करून मिश्रण नीट एकत्र करा. नंतर हाताला तूप लावून लाडू वळून घ्या.