तांदळाच्या डब्यात किडे झालेत? हे सोपे घरगुती उपाय करा, लगेच होतील गायब

आपण साठवून ठेवलेल्या तांदळात काही दिवसांतच किडे किंवा अळ्या होतात का? काळजी करू नका. कोणतंही केमिकल न वापरता, घरातल्याच वस्तू वापरून आपण ही समस्या सहज दूर करू शकतो.

तांदूळ ठेवलेल्या डब्यात ४-५ तमालपत्र आणि ८-१० लवंगा ठेवा. त्यांच्या वासामुळे किडे आणि अळ्या दूर पळतात. त्यांना हा वास अजिबात सहन होत नाही.

लसणाच्या ५-६ पाकळ्या न सोलता तांदळाच्या मधोमध ठेवा. लसूण सुकल्यावर तो काढून नवीन पाकळ्या ठेवा. लसणाच्या तीव्र वासामुळे किडे जवळ येत नाहीत.

सुकलेली कडुलिंबाची पानं एका पातळ सुती कापडात बांधून तांदळाच्या डब्यात ठेवा. कडुलिंबामुळे तांदळात किडे आणि अळ्या तयार होत नाहीत.

तांदळात किडे आणि अळ्यांचा प्रादुर्भाव जास्त असेल, तर तांदूळ एका कापडावर पसरून २-३ तास कडक उन्हात ठेवा. उष्णतेमुळे किडे आपोआप बाहेर पडतील.