कापसासारख्या मऊ इडल्यांसाठी सोप्या टिप्स

कापसासारख्या मऊ आणि लुसलुशीत इडल्या कोणाला आवडत नाहीत? अशा परफेक्ट इडल्या बनवण्यासाठी काही खास टिप्स.

इडली बनवण्यासाठी तांदूळ फक्त तीन ते चार तास भिजवणे पुरेसे आहे. तांदूळ यापेक्षा जास्त वेळ भिजवून ठेवू नका.

उडीद डाळ दोन ते तीन तास भिजवावी. त्यापेक्षा जास्त वेळ भिजवल्यास पीठ जास्त आंबट होऊन इडल्या कडक होऊ शकतात.

इडलीचं पीठ ग्राइंडरमध्ये वाटताना थंड पाण्याचा वापर करा. यामुळे पीठ छान मऊ तयार होतं आणि इडलीही अगदी मऊ होतात.

तांदूळ वाटताना त्यात पाण्यात भिजवलेले मेथी दाणे आणि थोडा शिजवलेला भात घाला. यामुळे तुमच्या इडल्या अधिकच मऊ आणि चविष्ट होतील.

इडलीचं पीठ मऊ होण्यासाठी तुम्ही त्यात भिजवलेले पोहे घालूनही वाटू शकता. यामुळे इडल्या खूपच हलक्या आणि लुसलुशीत होतात.