सगळीकडे भेसळच भेसळ

आजकाल प्रत्येक गोष्टीत भेसळ सर्रास झाली आहे. पैशांसाठी लोकांच्या जीवाशी खेळण्याचे प्रकार वाढले आहेत. मग अशावेळी, काही पदार्थांमधील भेसळ कशी ओळखायची, हे आम्ही तुम्हाला सांगणार आहोत.

गरम तव्यावर पनीरचा एक तुकडा ठेवा. जर तो जळून काळा पडला, तर समजा पनीर नकली आहे. पण जर तो ब्राऊन रंगाचा झाला, तर ते खरं पनीर आहे.

तांदळातही प्लास्टिकची भेसळ केली जाते. हे ओळखणं सोपं आहे. एका तांदळाचा दाणा मेणबत्तीच्या ज्योतीवर चिमट्याने धरा. जर त्याने पेट घेतला आणि तो काळा झाला, तर तो प्लास्टिकचा तांदूळ आहे.

तुमच्या आइस्क्रीममध्ये केमिकल आहे का, हे पाहण्यासाठी त्यावर थोडा लिंबाचा रस टाका. रस टाकल्यावर जर फेस आला, तर समजा आइस्क्रीममध्ये केमिकल मिसळलेलं आहे.

कलिंगडाची एक फोड पाण्यात टाका. जर पाण्याला रंग सुटला, तर त्यात केमिकल मिसळले आहे, असं समजा. शुद्ध कलिंगड पाण्यात रंग सोडत नाही.

एका पाण्याच्या ग्लासमध्ये मधाचा एक थेंब टाका. जर मध शुद्ध असेल, तर तो थेंब थेट पाण्याच्या तळाशी जाऊन बसेल. पण जर मध नकली असेल, तर तो पाण्यात विरघळेल आणि पाण्याला रंग येईल.