घरच्याघरी पाणीपुरी मसाला कसा बनवायचा?

• 1 चमचा जिरे
• 1 चमचा साखर
• 1 चमचा काळं मीठ
• 1/2 चमचा साधं मीठ
• 1/2 चमचा काळी मिरी
• 1/2 चमचा हिरव्या मिरचीचा पेस्ट
• 1/2 कप कोथिंबीर
• 10-12 पुदिन्याची पाने
• 1/2 लिंबाचा रस
• 2 कप थंड पाणी

कोथिंबीर व पुदिन्याची पाने स्वच्छ धुवा आणि मिक्सरमध्ये वाटून घ्या.

चटणीमध्ये मसाले घाला. यामध्ये जिरे, मीठ, काळं मीठ, मिरी, साखर, हिरव्या मिरचीची पेस्ट, लिंबाच्या रसासह थोडंसं पाणी टाकून मिक्सरमध्ये वाटून घ्या.

2 कप थंड पाण्यात पेस्ट मिक्स करा. जेणेकरुन पुदीना-मिरचीचे पाणी थंडगार होईल.

पाणी थंड झाल्यानंतर त्यामध्ये आमचूर पावडर किंवा चिंच-गूळाचे पाणीही मिक्स करू शकता. यानंतर पाणीपुरीच्या पुऱ्या, बटाट्यांसोबत सर्व्ह करा.