यंदाच्या नवरात्रौत्सवाला 3 ऑक्टोंबरपासून सुरुवात होणार आहे. या दिवशी घटस्थापना असून पहिल्या माळेला अभिनेत्री सोनाली कुलकर्णीसारखी पिवळ्या रंगातील साडी नेसू शकता.
नवरात्रौत्सवाच्या दुसऱ्या माळेला हिरवा रंग असून या दिवशी देवी ब्रह्मचारिणीची पूजा केली जाणार आहे. पूजेवेळी सोनाली कुलकर्णीसारखी हिरव्या रंगातील बांधणी डिझाइन असणारी साडी नसू शकता.
5 ऑक्टोंबरला नवरात्रौत्सवातील तिसरी माळ असून या दिवशी राखाडी रंगाचे वस्र परिधान केले जाणार आहेत. दांडिया नाइटसाठी सोनालीसारखी शिमर साडी नेसू शकता.
नारंगी रंगाती साडीत सोनाली कुलकर्णी अतिशय सुंदर दिसते. यंदाच्या नवरात्रौत्सवावेळी चौथ्या माळेला नारंगी रंगातील साडीतील सोनालीचा लूक रिक्रिएट करू शकता.
नवरात्रौत्सवाच्या पाचव्या माळेला देवी स्कंदमातेची पूजा केली जाणार आहे. पांढरा रंग शांततेचे प्रतीक मानला जातो. अशातच सोनालीसारखी पैठणी साडी नवरात्रौत्सवावेळी नेसू शकता.
देवीला लाल रंग अतिशय प्रिय आहे. यामुळे नवरात्रीत सहाव्या माळेला सोनाली कुलकर्णीसारखी लाल रंगातील बनारसी सिल्क साडी नेसू शकता. यावर गोल्डन ज्वेलरी शोभून दिसेल.
नवरात्रौत्सवाच्या सातव्या माळेला निळा रंगातील वस्र परिधान केले जाणार आहेत. यावेळी सोनालीसारखी निळ्या रंगातील साडी नेसू शकता. यावर एथनिक किंवा सिल्व्हर ज्वेलरी शोभून दिसेल.
नवरात्रौत्सवावेळी सिंपल आणि सोबर लूकसाठी आठव्या माळेला गुलाबी रंगातील साडी नेसा. सोनालीने साडीवर कॉन्ट्रास्ट रंगातील ब्लाऊज परिधान केले आहे.
नवव्या माळेला जांभळा रंग असून सोनालीसारखी सिल्क साडी नेसू शकता. यावर गोल्डन रंगातील ज्वेलरी आणि मिनिमल मेकअपने लूक पूर्ण करा.