तांदळाचं पाणी असं वापरा, चेहरा नक्की चमकेल!

तांदूळ धुतलेलं पाणी फेकून न देता तुम्ही स्किनकेअरसाठी वापरू शकता. योग्य प्रकारे वापरल्यास त्वचा ताजी आणि मुलायम दिसते.

सुरुवातीला तांदूळ स्वच्छ धुवा आणि थोड्या पाण्यात भिजवून ठेवा. त्यानंतर हे पाणी गाळून एका स्वच्छ भांड्यात घ्या. तुमचं राइस वॉटर तयार आहे.

सर्वात आधी चेहरा एका सौम्य क्लिन्झरने स्वच्छ करा. त्यानंतर कापसाच्या बोळ्याने तांदळाचं पाणी चेहऱ्यावर हळुवारपणे लावा.

तुम्ही पहिल्यांदाच वापरत असाल, तर फक्त थोड्या वेळासाठीच चेहऱ्यावर ठेवा. त्वचेला काही त्रास होत नसेल, तर नंतर पाण्याने चेहरा धुवून मॉइश्चरायझर लावू शकता.

साधारणपणे, तांदळाचं पाणी रोज वापरता येतं. पण तुमची त्वचा संवेदनशील असेल, तर वापरण्यापूर्वी पॅच टेस्ट करणं चांगलं.

आंबवलेलं किंवा जास्त दिवस साठवलेलं तांदळाचं पाणी थेट चेहऱ्यावर लावू नका. जर पाण्याला दुर्गंध येत असेल किंवा त्याचा रंग बदलला असेल, तर ते वापरू नका.

तांदळाचं पाणी हा स्किनकेअरसाठी एक घरगुती उपाय आहे. जर तुम्हाला ॲलर्जी, खाज किंवा जळजळ जाणवत असेल, तर त्याचा वापर ताबडतोब थांबवा.