पावसाळ्यात इन्फेक्शनपासून रहाल दूर, करा हे घरगुती उपाय

पावसाळ्यात जीवाणू, विषाणू आणि बुरशी वेगाने वाढतात. त्यामुळे सर्दी, खोकला, ताप आणि त्वचेचे आजार होण्याची शक्यता अधिक असते.

दूषित पाण्यामुळे टायफॉइड, जुलाब आणि पोटाचे विकार होऊ शकतात. नेहमी स्वच्छ, फिल्टर केलेले किंवा उकळलेले पाणी पिण्याची सवय लावा.

जेवणापूर्वी आणि बाहेरून आल्यानंतर साबणाने हात धुणे अत्यंत महत्त्वाचे आहे. यामुळे संसर्ग पसरण्याचा धोका कमी होतो.

पावसात भिजल्यानंतर ओले कपडे जास्त वेळ अंगावर ठेवू नका. त्यामुळे त्वचेचे आणि बुरशीजन्य संसर्ग वाढू शकतात.

घरात पाणी साचू देऊ नका. डासांची पैदास टाळण्यासाठी परिसर आणि घर नियमित स्वच्छ ठेवा.

रस्त्यावरचे किंवा उघड्यावर ठेवलेले खाद्यपदार्थ टाळा. घरचे ताजे आणि गरम अन्न खाल्ल्यास संसर्गाचा धोका कमी होतो.

आहारात फळे, भाज्या, हळद, आले, तुळस यांचा समावेश करा. पुरेशी झोप आणि नियमित व्यायामही तितकाच महत्त्वाचा आहे.

ताप, सतत खोकला, त्वचेवर पुरळ किंवा पोटदुखी यांसारखी लक्षणे दिसल्यास दुर्लक्ष करू नका. वेळेत उपचार घेतल्यास गंभीर समस्या टाळता येतात.