उन्हाळ्यात हॉटेलसारखं थंडगार फ्रुट कस्टर्ड बनवा घरी, कृती जाणून घ्या

फ्रूट कस्टर्ड हा गोडसर आणि पौष्टिक पदार्थ आहे, जो सहज घरी बनवता येतो. उन्हाळ्यात थंडगार आणि चविष्ट पदार्थ म्हणून सर्वांना आवडतो.

१ लिटर दूध, ४ टेबलस्पून कस्टर्ड पावडर,१/२ कप साखर, १ कप मिक्स फ्रूट्स, १/४ टीस्पून वेलदोडा पावडर, बदाम, काजू आणि पिस्ते सजावटीसाठी

एका छोट्या वाडग्यात ४ टेबलस्पून कस्टर्ड पावडर घ्या. त्यात १/२ कप थंड दूध घालून चांगले मिसळा.

एका भांड्यात १ लिटर दूध गरम करा. मंद आचेवर ठेवा. दूध थोडेसे गरम झाल्यावर त्यात साखर घालून मिसळा.

आता कस्टर्ड पावडरचे मिश्रण हळूहळू गरम दुधात टाका आणि सतत ढवळा. दूध घट्टसर होईपर्यंत (५-७ मिनिटे) मंद आचेवर ढवळत राहा. मिश्रण थोडे जाडसर झाले की गॅस बंद करा आणि थंड होऊ द्या.

थंड झाल्यावर त्यात चिरलेली फळं मिसळा आणि हलके ढवळा. कस्टर्ड १-२ तास फ्रीजमध्ये ठेवा. सजावटीसाठी काजू, बदाम आणि पिस्ते भुरभुरा.