रात्रीचे जेवण उशिरा घेण्याची सवय आहे का?, मग हे जाणून घ्या

रात्रीचे जेवण नेहमी लवकर घ्यावे असे आरोग्य तज्ज्ञ सांगतात. कारण उशिरा जेवण केल्याने अनेक आजारांचा धोका वाढतो.

रात्रीचे जेवण ७ वाजता घेणे फार चांगले. कारण अन्न सहज पचण्यास मदत होते. तसेच चांगली झोप येण्यासही मदत होते.

उशिरा जेवल्याने अन्न व्यवस्थित पचत नाही. तसेच वजन वाढण्यास आणि रक्तातील साखरेची पातळी वाढण्यास कारणीभूत ठरते.

रात्रीच्या जेवणात खूप हलके पदार्थ असावेत. त्यामुळे ते सहज पचते.

जर्नल ऑफ क्लिनिकल एंडोक्राइनोलॉजी अँड मेटाबॉलिझममध्ये प्रकाशित झालेल्या अभ्यासात असे म्हटले आहे की रात्री १० वाजता जेवणाऱ्यांमध्ये रक्तातील साखरेची पातळी वाढलेली आढळून आली.

लवकर जेवण केल्याने (झोपण्याच्या ३ तास आधी) हृदयविकाराचा धोका लक्षणीयरीत्या कमी होतो असेही अभ्यासात आढळून आले.