Kothimbir Wadi Recipe : 15 मिनिटांत तयार करा खुसखुशीत कोथिंबीर वडी

मुगडाळ – १ कप, कोथिंबीर – १ कप, हिरवी मिरची-आलं-लसूण पेस्ट – २ चमचे, तिखट – १ चमचा, हळद – ½ चमचा,लिंबाचा रस – १ चमचा, मीठ – चवीनुसार, तेल – २ चमचे,मोहरी, कडीपत्ता, हिंग – फोडणीसाठी

मुगडाळ ४-५ तास स्वच्छ धुऊन पाण्यात भिजत ठेवा.

भिजवलेली डाळ पाणी न घालता जाडसर वाटून घ्या. त्यात हिरवी मिरची-आलं-लसूण पेस्ट, मीठ, हळद, तिखट, लिंबाचा रस आणि बारीक चिरलेली कोथिंबीर घाला. चांगले मिश्रण करून घ्या.

हे मिश्रण एका तुप लावलेल्या थाळीत (किंवा साच्यात) समान पसरून घ्या. नंतर वाफेवर १५-२० मिनिटे ठेवा. वाफवून झाल्यावर थोडे थंड होऊ द्या आणि नंतर चौरस तुकडे कापा.

कढईत तेल गरम करून मोहरी, कडीपत्ता, हिंग यांची फोडणी करा. त्यात हे वाफवलेले वडीचे तुकडे हलक्या हाताने परतून घ्या. यानंतर गरमागरम मुगडाळ-कोथिंबीर वडी चहा किंवा दहीसोबत सर्व्ह करा.