अ‍ॅनिमिया टाळण्यासाठी लोहयुक्त पदार्थ

रक्तातील हिमोग्लोबिन, लोह आणि फॉलिक अ‍ॅसिडची पातळी कमी झाल्याने अ‍ॅनिमिया म्हणजेच रक्तक्षय होतो. आहारात लोहयुक्त पदार्थांचा समावेश केल्यास अ‍ॅनिमियाची समस्या सहज टाळता येते.

पालकमध्ये लोहाचे प्रमाण भरपूर असते. एका वाटी शिजवलेल्या पालकमधून शरीराला साधारणपणे ६ मिलीग्राम लोह मिळते.

कडधान्ये हा लोहाचा एक उत्तम स्रोत मानला जातो. त्यामुळे रोजच्या आहारात कडधान्यांचा समावेश केल्यास अ‍ॅनिमियाचा धोका टळतो.

भोपळ्याच्या बिया अ‍ॅनिमिया टाळण्यासाठी खूप फायदेशीर ठरतात. १०० ग्रॅम भोपळ्याच्या बियांमधून शरीराला सुमारे ८.८ मिलीग्राम लोह मिळते.

शेवग्याच्या पानांमध्ये लोह मुबलक प्रमाणात आढळते. या पानांचा आहारात समावेश केल्यास रक्ताची कमतरता भरून निघण्यास मदत होते.

बीटरूट हा लोहाचा एक अतिशय उत्तम स्रोत आहे. याशिवाय बीटरूटमध्ये फॉलिक अ‍ॅसिड, पोटॅशियम आणि फायबर देखील भरपूर प्रमाणात असते.

डाळिंबामध्ये लोहाचे प्रमाण मध्यम असते. पण त्यासोबतच शरीरासाठी फायदेशीर असणारे अँटीऑक्सिडंट्सही डाळिंबामधून मिळतात.

ड्रायफ्रुट्स आणि विविध प्रकारच्या बिया खाल्ल्याने अ‍ॅनिमिया टाळता येतो. एका कप ड्रायफ्रुट्समध्ये सुमारे ३.५ ते ७.८ मिलीग्राम लोह असते.

खजूर खाणे अ‍ॅनिमिया टाळण्यासाठी खूप फायदेशीर ठरते. रक्ताची कमतरता भरून काढण्यासाठी तुम्ही दररोज दोन खजूर खाऊ शकता.