पुरणपोळी बनवण्याची सोपी पद्धत

पुरणपोळी बनवणं अनेकांना खूप कठीण काम वाटतं. पण आता लाटणं न वापरता अगदी झटपट आणि पातळ पुरणपोळी बनवण्याची एक सोपी पद्धत पाहा.

तुम्ही नेहमीप्रमाणे कणकेच्या गोळ्यामध्ये पुरण भरा. त्यानंतर तो गोळा सर्व बाजूंनी व्यवस्थित बंद करून घ्या.

तुम्ही एका प्लास्टिकच्या कागदावर हा गोळा ठेवा. हाताने त्याला थोडं दाबा आणि गोळ्याच्या वरच्या बाजूला थोडं तेल लावा.

तुम्ही या गोळ्यावर दुसरा एक पातळ प्लास्टिकचा कागद ठेवा. आता हाताने अगदी हलक्या दाबाने गोळा वरून खाली सर्व बाजूंनी पसरवत जा.

लाटणं न वापरता तुमची पुरणपोळी अगदी काही सेकंदात पातळ आणि गोल आकारात तयार होईल. त्यानंतर ती नेहमीप्रमाणे तव्यावर भाजून घ्या.

तुम्ही प्लास्टिकच्या कागदावर आणि कणकेच्या गोळ्यावर तेल व्यवस्थित लावलं असेल, तर हात सहज फिरतो. यामुळे पोळी कुठेही फाटत नाही.

कणिक आणि पुरण दोन्हीही मऊ असायला हवेत. जर ते घट्ट असतील, तर हाताने पसरवताना पुरण बाहेर येऊ शकतं.