सुकट शिजवण्यापूर्वी करा हे सोपे उपाय, उग्र वास होईल गायब

काही सोप्या आणि नैसर्गिक पद्धतींचा वापर केल्यास सुकटीचा हा उग्र वास पूर्णपणे घालवणे शक्य आहे. यामुळे तुमच्या पदार्थाची चवही उत्तम होईल.

सुकट शिजवण्याच्या बरोबर २० मिनिटे आधी गरम पाण्यात भिजत ठेवा. त्यात ५ चमचे लिंबाचा रस आणि थोडे मीठ घाला. त्यानंतर स्वच्छ धुतल्यास वास गायब होईल.

सुकट स्वच्छ करण्यासाठी तुम्ही तांदूळ धुतलेले पाणी वापरू शकता. यामुळे फक्त वास दूर होत नाही, तर माशांना लागलेली वाळू आणि घाणही सहज निघून जाते.

सुकट तेलात परतताना पॅनमध्ये एक चमचा आलं-लसूण पेस्ट घाला. त्यानंतर मासे चांगले परतून घ्या. यामुळे सुकटीचा उग्र वास बऱ्याच अंशी कमी होईल.

सुकट शिजवताना तुम्ही त्यात थोडा चिंचेचा कोळ किंवा एक कप दूध घालू शकता. या सोप्या ट्रिकमुळे सुकटीचा उग्र वास पूर्णपणे निघून जातो.

सुकट शिजवल्यानंतर स्वयंपाकघरात दुर्गंधी येत असेल, तर एका ग्लास पाण्यात थोडे व्हिनेगर मिसळून चांगले उकळा. यामुळे किचनमधील वास लगेच कमी होईल.

शुद्ध म्हशीच्या दुधात सुकट काही वेळ भिजवून ठेवल्यास वास अजिबात येत नाही. त्यानंतर स्वच्छ पाण्याने २-३ वेळा धुवून घ्या आणि मगच शिजवा.

बाजारातून सुकट आणल्यानंतर ती नेहमी एअर-टाइट (हवाबंद) डब्यातच साठवून ठेवा. यामुळे माशांचा वास संपूर्ण घरात पसरणार नाही.