कैरीचे लोणचे घरच्या घरी कसे बनवावे, माहिती जाणून घ्या

कैऱ्या – ५ मध्यम आकाराच्या,  मीठ – ३ टेबलस्पून, हळद पावडर – १ टीस्पून, लाल तिखट – २ टेबलस्पून, मोहरी दाणे – २ टेबलस्पून, हिंग – १/२ टीस्पून, मेथी दाणे – १ टेबलस्पून

कैऱ्या स्वच्छ धुवून कपड्याने पुसून घ्या. कैऱ्यांचे मध्यम आकाराचे तुकडे करून बिया वेगळ्या काढा.

गरम तव्यावर मेथी आणि मोहरी दाणे भाजून मिक्सरमध्ये जाडसर पूड करा. एका वाडग्यात हळद, तिखट, मीठ, हिंग आणि तयार केलेली पूड मिक्स करा.

कापलेली कैरी एका मोठ्या भांड्यात घ्या आणि त्यात तयार मसाला नीट मिसळा. हवं असल्यास थोडासा गूळ टाका, ज्यामुळे लोणच्याला हलकीशी गोडसर चव येईल

एका पातेल्यात मोहरीचं तेल गरम करून गार करा. तेल थंड झाल्यावर लोणच्यावर ओता आणि सगळं मिश्रण व्यवस्थित हलवा.

लोणचं एका स्वच्छ, कोरड्या काचेच्या बरणीत टाका. २-३ दिवस झाकून ठेवा, म्हणजे मसाले व्यवस्थित मुरतील. नंतर लोणचं फ्रीजमध्ये ठेवा आणि ६ महिन्यांपर्यंत त्याचा आनंद घ्या!

लोणच्यासाठी कडक, आंबट कैऱ्या वापरा. लोणचं करण्याआधी भांडी आणि हात कोरडे ठेवा, नाहीतर बुरशी येऊ शकते. मोहरीचं तेल जास्त प्रमाणात वापरल्यास लोणचं जास्त काळ टिकेल.