3 जादुई फेस मास्क

डर्मेटोलॉजिस्ट डॉ. आंचल यांनी शेअर केलेले 3 जादुई फेस मास्क कोणते आहेत, ते आपण पाहूया. यामुळे तुमची त्वचा चमकदार होईल.

दह्यामध्ये लॅक्टिक ॲसिड (Lactic Acid) असतं, जे त्वचेला मॉइश्चराइझ करतं. यामुळे चेहऱ्याला नैसर्गिक चमक तर मिळतेच, पण त्वचेची लवचिकता (Elasticity) सुद्धा वाढते.

काकडी किसून घ्या आणि त्यात दही घालून एक जाडसर पेस्ट तयार करा. हा मास्क चेहऱ्यावर लावल्याने त्वचा चमकदार आणि तजेलदार होते.

सन टॅन काढण्यासाठी आणि त्वचेचा रंग उजळण्यासाठी एका वाटी दह्यात अर्धा चमचा हळद मिसळा. ही पेस्ट चेहरा आणि मानेला लावा. १५-२० मिनिटांनी चेहरा स्वच्छ धुवा.

मुरुमं आणि चेहऱ्यावरील डागांपासून सुटका मिळवण्यासाठी दह्यामध्ये एक चमचा मध मिसळून चेहऱ्याला लावा. २० मिनिटांनी चेहरा धुतल्यास डाग हळूहळू कमी होण्यास मदत होते.

कोणताही फेस पॅक वापरल्यानंतर चेहऱ्याला मॉइश्चरायझर (Moisturizer) लावायला विसरू नका. यामुळे त्वचेचा मऊपणा टिकून राहण्यास मदत होते.