चमकदार आणि नितळ त्वचेसाठी असे तयार करा Beetroot Serum

आपली त्वचा हेल्दी आणि नितळ राहण्यासाठी वेगवेगळ्या ब्युटी प्रोडक्ट्सचा वापर करतो. पण घरच्याघरी काही गोष्टींचा वापर करुन चेहऱ्यावर नॅच्युरल ग्लो येऊ शकतो.

नॅच्युरल प्रोडक्ट्सच्या मदतीने चेहऱ्यावर ग्लो येण्यासह त्वचेसंबंधित समस्याही दूर होतात. अशातच घरच्याघरी बीटापासून सीरम कसे तयार करायचे हे पुढे जाणून घेऊया.

बीटाचा सीरम तयार करण्यासाठी 1 बीट, 2 चमचे एलोवेरा जेल, 1 चमचा ग्लिसरीन आणि 2 व्हिटॅमिन ई चे कॅप्सूल घ्या.

सर्वप्रथम बीट स्वच्छ धुवून त्याचे बारीक तुकडे करा. यानंतर बीट मिक्सरमध्ये वाटून घ्या.

बीटाचा ज्यूस गाळून घेतल्यानंतर त्यामध्ये ग्लिसरीन, एलोवेरा जेल, व्हिटॅमिन ई कॅप्सूल घालून सर्व सामग्री एकत्रित मिक्स करा.

बीटाचे सीरम तयार केल्यानंतर काचेच्या बॉटलमध्ये भरुन ठेवा. यानंतर दररोज रात्री चेहऱ्याला लावा.

रात्री झोपण्यापूर्वी फेसवॉश करा. यानंतर सीरमचे काही ड्रॉप्स चेहऱ्याला लावून हलक्या हाताने मसाज करा. यामुळे चेहऱ्याला नॅच्युरल ग्लो येण्यास मदत होईल.

बीटाच्या सीरमचा वापर केल्यास त्वचेवरील डागांची समस्या दूर होण्यास मदत होईल. याशिवाय टॅनिंगही निघून जाईल.

चेहऱ्यावरील सुरकुत्यांच्या समस्येपासून सुटका मिळवायची असल्यास बीटाचे सीरम लावू शकता.

सदर लेख केवळ सामान्य माहिती देण्याकरिता आहे. Asianet News या माहितीची जबाबदारी घेत नाही. अधिक माहितीसाठी आपण तज्ज्ञ किंवा आपल्या ओळखीच्या डॉक्टरांचा सल्ला घ्यावा.