टाइल्स चमकतील नव्यासारख्या

बाथरूम किंवा किचनच्या टाइल्सवर पडलेले पिवळे डाग बघून चिंता वाटते? आता महागड्या केमिकल्सची गरज नाही. घरातील साध्या वस्तू वापरून टाइल्स पुन्हा नव्यासारख्या चमकवू शकता.

बेकिंग सोडा आणि पांढरा व्हिनेगर एकत्र करून एक जाडसर पेस्ट बनवा. ही पेस्ट डागांवर लावा. १५ मिनिटं तसंच राहू द्या आणि नंतर ब्रशने घासून स्वच्छ धुवा. डाग गायब होतील.

लिंबामध्ये नैसर्गिक ब्लिचिंग गुणधर्म असतात. अर्धा कापलेला लिंबू थेट डागांवर घासा किंवा त्याचा रस लावा. २० मिनिटांनी कोमट पाण्याने धुऊन टाका.

जर डाग खूप जुने आणि हट्टी असतील, तर हायड्रोजन पेरॉक्साइड वापरा. हे डागांवर स्प्रे करा, १५ मिनिटं थांबा आणि नंतर ब्रशने घासून स्वच्छ करा.

एका स्प्रे बाटलीत पाणी आणि व्हिनेगर समान प्रमाणात घ्या. त्यात १ चमचा भांडी घासायचं लिक्विड टाका. हे मिश्रण डागांवर स्प्रे करा आणि १० मिनिटांनी पुसून टाका.

डाग असलेल्या जागेवर थोडं पाणी शिंपडा आणि त्यावर साधं मीठ पसरवा. रात्रभर किंवा किमान २ तास तसंच ठेवा. त्यानंतर ब्रशने घासून धुऊन टाका.

कोणताही क्लिनिंग एजंट वापरताना हातात ग्लोव्हज (हातमोजे) नक्की घाला. तसेच, बाथरूममध्ये हवा खेळती राहील याची काळजी घ्या, त्यासाठी खिडकी उघडी ठेवा.