India
सध्या दिल्लीची 'वडा पाव गर्ल' खूप प्रसिद्ध आहे. वडा पाव गर्ल म्हणून प्रसिद्ध असलेल्या चंद्रिका गेरा दीक्षितचे अनेक यूट्यूबर्सनी व्हिडिओ सोशल मीडियावर पोस्ट केले आहेत.
चंद्रिका गेरा दीक्षितने नुकताच तिच्या इन्स्टा वर एक व्हिडिओ शेअर केला आहे, ज्यामध्ये ती 75 लाख रुपयांची फोर्ड मस्टँग कारसोबत दिसत आहे.
फोर्ड मस्टँग कारच्या आजूबाजूला बरीच गर्दी दिसत आहे. दरम्यान, गाडीची ट्रंक उघडली असता चंद्रिका दीक्षित वडा पावसोबत दिसली.
चंद्रिका दीक्षितला असे पाहून लोक म्हणतात- दिल्लीची वडा पाव गर्ल, मस्टंगच्या आत, तुझे दुकान कुठे गेले? यावर चंद्रिका म्हणते -ती दुकान नाही तर रस्त्यावरील गाडी होती.
तेथे उपस्थित एक व्यक्ती म्हणतो रस्त्यावरील विक्रेत्या ते थेट, फोर्ड मस्टांग कारमध्ये यावर चंद्रिका म्हणते थोडे दिवस थांबा, काहीतरी मोठं घेऊन येतेय तुमच्यासाठी.
काही रिपोर्टनुसार, चंद्रिकाने ही गाडी खरेदी केली आहे,तर काहींच्या मते तिला कोणी गिफ्ट केली आहे. या सगळ्यात चंद्रिकाच्या मस्टँगमधील व्हिडीओने सोशल मीडियावर खळबळ उडवली आहे.
काही दिवसांपूर्वी चंद्रिकाने आयफोनची खरेदी केली आहे. त्यामुळे आता आयफोन आणि मस्टँग कारमुळे अनेकांच्या भुवया उंचावल्या आहेत.
दिल्लीतील पितामपूर मध्ये चंद्रिकाची वडापावची गाडी आहे. येथून ती खूप फेमस झाली आहे. अनेक फूड ब्लॉगरनी तिचे व्हिडीओ देखील बनवले आहे.