चहा विक्रेत्याचा मुलगा कलेक्टर! कोचिंगशिवाय पहिल्या प्रयत्नात पास

राजस्थानच्या जैसलमेर मधील एका छोट्या गावातील एका चहा विकणाऱ्या वडिलांचा मुलगा कलेक्टर बनला आहे. देशलदान रत्नूने हे करून दाखवले आहे.

देशलदान रत्नूचे वडील कुटुंबाचा उदरनिर्वाह करण्यासाठी चहा विकायचे. त्यांनी मुलांच्या शिक्षणात कोणतीही कसर सोडली नाही. त्यामुळे एका मुलाला आयएएस व दुसऱ्याला नेव्हीमध्ये नोकरी मिळाली.

नौदलात सेवा बजावताना देशाचे रक्षण करताना देशलदान यांचे भाऊ शहीद झाले. यावेळी कुटुंबावर पुन्हा एकदा दुःखाचा डोंगर कोसळला. पुढे काय होणार हे वडिलांना समजत नव्हते

आपल्या शहीद भावाच्या प्रेरणेने देशलदान यांनी अभ्यासाला सुरुवात केली. कुटुंबाची आर्थिक परिस्थिती कमकुवत असल्याने त्यांनी इंटरनेटच्या मदतीने अभ्यास सुरू केला.

सर्वप्रथम, बारावी उत्तीर्ण झाल्यानंतर त्यांची आयआयटी जबलपूरमध्ये निवड झाली. तेथून शिक्षण पूर्ण केल्यानंतर देशलदानने आयएएसची तयारी करण्याचा विचार केला.

पैशांमुळे देशलदान कोचिंग घेऊ शकले नाहीत.शेवटी घरी राहूनच त्यांनी तयारी सुरू केली. असे असताना ते पहिल्याच प्रयत्नात यूपीएससी उत्तीर्ण झाले आणि आयएएस झाले.

देशलदानने अखिल भारतीय स्तरावर ८२ वा क्रमांक मिळविला. सध्या त्यांनी प्रशिक्षण पूर्ण केले आहे. लवकरच ते कलेक्टर म्हणून दिसणार आहे.