अमेरिकन ध्वज हटवून मेक्सिकन ध्वज फडकवला; महिला अटकेत

कोडीमराभोवती असलेली साखळी तोडून आत शिरलेल्या महिलेने अमेरिकन ध्वज चिखलात फेकून दिला आणि त्याजागी मेक्सिकन ध्वज फडकवला, असे पोलिसांनी सांगितले.

कॅलिफोर्निया: कॅलिफोर्नियातील बेकर्सफिल्ड येथील हार्ट पार्कमध्ये एका महिलेने अमेरिकन ध्वज काढून त्याजागी मेक्सिकन ध्वज फडकवला. २४ वर्षीय कॅलिफोर्निया निवासी क्रिस्टल अग्विलारला अटक करण्यात आली. कोडीमराभोवती असलेली साखळी तोडून आत शिरलेल्या महिलेने अमेरिकन ध्वज खाली खेचून चिखलात फेकून दिला आणि त्याजागी मेक्सिकन ध्वज फडकवला, असे पोलिसांनी सांगितले. 

तिला पकडण्यासाठी आलेल्या पार्कच्या सुरक्षा अधिकाऱ्यांशी तिने वाद घातला - "मला काय करायचे ते तुम्ही सांगू नका. ही मेक्सिकोची जमीन आहे." त्यानंतर क्रिस्टल अग्विलारला पोलिसांनी ताब्यात घेतले.  

पोलिसांनी सांगितले की, पार्काच्या प्रवेशद्वाराजवळील अमेरिकन ध्वज कोणीतरी खाली खेचण्याचा प्रयत्न करत असल्याची माहिती मिळाल्यानंतर ते घटनास्थळी पोहोचले. कोडीमराच्या जवळ चिखलात बुडालेली अग्विलारची पांढरी सेडान कार आधी दिसली, असे पोलिसांनी सांगितले. तोपर्यंत अमेरिकन ध्वज काढून तिने मेक्सिकन ध्वज फडकवला होता.

कामकाजात अडथळा आणणे (पीसी ६९), बेकायदेशीर प्रवेश (विसी २१११३(ए), अटकाला विरोध करणे (पीसी १४८), पार्कमध्ये गांजा बाळगणे (काउंटी अध्यादेशाचे उल्लंघन) असे गुन्हे तिच्यावर दाखल करण्यात आले. तिला अटक करून लॅड्रो तुरुंगात डांबण्यात आले.