अमेरिकेतील निवडणुकीमुळे साखरपुडा मोडला!

अमेरिकेत अध्यक्षीय निवडणुका (US presidential election) पार पडून निकालही जाहीर झाला आहे. डेमोक्रॅटिक पक्षाच्या उमेदवार कमला हॅरिस (Kamala Harris) यांना पराभूत करून रिपब्लिकन पक्षाचे उमेदवार डोनाल्ड ट्रम्प (Donald Trump) अमेरिकेचे नवे अध्यक्ष म्हणून निवडले गेले आहेत. सगळीकडे जल्लोष सुरू आहे. या दरम्यान एका महिलेची पोस्ट झपाट्याने व्हायरल होत आहे. निवडणुकीचा निकाल येण्यापूर्वीच, म्हणजेच मतदानाच्या वेळी तिने ही पोस्ट टाकली होती. ही पोस्ट तिच्या लग्नाशी संबंधित आहे. मतदान न करणाऱ्या भावी पतीपासून दूर होण्याचा निर्णय तिने घेतल्याचे दिसते. 

५ नोव्हेंबर रोजी ४७ व्या अध्यक्षपदाच्या निवडणुकीसाठी मतदान झाले. यावेळी तिचा भावी पती मतदानासाठी पुढे आला नाही. यामुळे तिला दुःख झाले. याच वेळी तिने रेडिटवर एक पोस्ट शेअर केली. मतदान न करणाऱ्या आपल्या भावी पतीसोबतचा साखरपुडा मोडण्याचा विचार करत असल्याचे तिने लिहिले आहे. तिचा २६ वर्षीय भावी पती यावेळी अध्यक्षीय निवडणुकीत मतदान करायला गेला नाही. यामुळे मी नैतिक संकटात सापडले आहे, असे तिने लिहिले आहे.

तिच्या पोस्टनुसार, तिचा वर मतदान करायला गेला नाही. दोन्ही पक्षांचे उमेदवार आणि त्यांची आश्वासने त्याला पसंत नव्हती. आता हे कष्ट पाहवत नाहीत. उमेदवार बदलणे हे आपल्या हातात नाही. मग आपल्या विचारांशी जो जवळचा असेल त्याला मतदान करून आपले कर्तव्य बजावले पाहिजे, असे तिचे म्हणणे आहे. पण तिचा भावी पती याला मान्यता देत नाही. २६ वर्षीय ही तरुणी चार महिन्यांत लग्न करणार आहे. पण भावी पतीने मतदान केले नाही हे कळल्यावर, त्याच्याशी मनःपूर्वक लग्न करणे कठीण वाटत आहे. त्याच्या या वागण्याने आमच्या नात्याबद्दल शंका निर्माण झाली आहे. आमचे राजकीय विचार बरेचसे जुळतात. तरीही तो असे का विचार करतो हे मला कळत नाही. मतदान न केल्यामुळे मी नाते तोडते हे सांगणे अतिरेकी वाटेल का? असा प्रश्न तिने विचारला आहे. 

रेडिटवरील ही पोस्ट व्हायरल झाली आहे. अनेकांनी यावर प्रतिक्रिया दिल्या आहेत. त्याला अल्टिमेटम देऊ नका, असा काहींनी सल्ला दिला आहे. तुम्ही त्याचे वागणे बदलू शकत नाही. मतदान करणे तुम्हाला अत्यंत महत्त्वाचे वाटत असेल तर साखरपुडा मोडा. नाते तोडण्याचा पूर्ण अधिकार तुम्हाला आहे, असे एकाने लिहिले आहे. नात्यातून बाहेर पडण्यासाठी तुम्ही कोणतेही कारण देऊ शकता, असे दुसऱ्याने म्हटले आहे. हे विचित्र आहे. तुम्ही त्याच्यापासून का दूर जात आहात याचे कारण त्याला नीट समजावून सांगा. पण त्याला बदलू शकत नाही, असे आणखी एकाने म्हटले आहे. देशाच्या महत्त्वाच्या निवडणुकीत मतदान का टाळतोय असे काहींनी विचारले, तर तुम्हाला त्याच्यापासून दूर जायचे आहे. त्यासाठी तुम्ही कारण शोधत आहात. काळजी करू नका आणि त्याच्यापासून दूर व्हा, असा सल्ला आणखी एकाने दिला आहे.