US and Israel Launch Joint Air Strikes on Iran: पंतप्रधान मोदी इस्रायल दौऱ्यावरून परतताच अमेरिका आणि इस्रायलने मिळून इराणवर हल्ला चढवला आहे. राजधानी तेहरानसह अनेक शहरांमध्ये भीषण बॉम्बहल्ले झाले असून, इराणनेही जशास तसे उत्तर देण्याचा इशारा दिला आहे.
पंतप्रधान नरेंद्र मोदी द्विपक्षीय बैठकीनंतर इस्रायलमधून निघताच, अमेरिका आणि इस्रायलने इराणवर संयुक्त हल्ला केला. शनिवारी पहाटे, अमेरिका-इस्रायलच्या लढाऊ विमानांनी इराणच्या राजधानीतील आकाशात बॉम्बचा वर्षाव केला.
26
अमेरिकेचे अध्यक्ष डोनाल्ड ट्रम्प म्हणाले की, 'इराणी राजवटीकडून असलेला धोका संपवणे' हे या हल्ल्याचे उद्दिष्ट आहे. ते म्हणाले, 'थोड्या वेळापूर्वी, अमेरिकन सैन्याने इराणमध्ये एक मोठी लष्करी कारवाई सुरू केली. इराणी राजवटीचा धोका संपवून अमेरिकन लोकांना सुरक्षित ठेवणे हे आमचे ध्येय आहे.'
36
इराणच्या आरोग्य मंत्रालयाच्या प्रवक्त्याने सांगितले की, इस्रायलच्या हल्ल्यानंतर रुग्णालयांना हाय अलर्टवर ठेवण्यात आले आहे, असे तस्निम वृत्तसंस्थेने म्हटले आहे. प्रवक्त्याच्या म्हणण्यानुसार, राजधानीच्या मध्यवर्ती भागात रुग्णवाहिका पाठवण्यात आल्या आहेत. जखमींची संख्या आणि ठिकाणांची माहिती लवकरच जाहीर केली जाईल.
46
इराणच्या संसदेच्या राष्ट्रीय सुरक्षा समितीचे प्रमुख इब्राहिम अझीझी यांनी हल्ल्यानंतर सोशल मीडियावर लिहिले, 'आम्ही तुम्हाला इशारा दिला होता! आता तुम्ही अशा मार्गावर निघाला आहात, जो तुमच्या नियंत्रणात नाही.'
56
एका इराणी अधिकाऱ्याने रॉयटर्स या वृत्तसंस्थेला सांगितले की, तेहरान अमेरिका-इस्रायलच्या हल्ल्यांना प्रत्युत्तर देण्याची तयारी करत आहे. हा पलटवार अधिक घातक असेल, असा इशाराही त्यांनी दिला.
66
स्थानिक माध्यमांनी दिलेल्या वृत्तानुसार, केरमानशाह, लोरेस्तान, तबरीझ, इस्फहान आणि करज या शहरांमध्येही स्फोटांचे आवाज ऐकू आले. इराणवरील हल्ल्यानंतर, इराकी वृत्तसंस्था INA नुसार, इराकच्या परिवहन मंत्रालयाने आपली हवाई हद्द बंद केली आहे.
