चोरीच्या कपड्यांमध्ये टिकटॉकवर शोकी

चोरीचा माल घालून सोशल मीडियावर शोकी करणाऱ्या महिलेला पोलिसांनी अटक केली आहे.

चोरीचा माल घालून सोशल मीडियावर शोकी करणाऱ्या एका महिलेला पोलिसांनी अटक केली आहे. अटक करण्यात आलेल्या महिलेचे नाव २२ वर्षीय मार्लेना वेलेज असे आहे. तिच्यावर क्षुल्लक चोरीचा (petty theft) आरोप आहे. तिने केप कोरल टार्गेट मधून घरगुती वस्तू, कपडे अशा सुमारे ५००.३२ डॉलर किमतीच्या वस्तू चोरल्या आहेत.

ऑक्टोबर ३० रोजी तिने ही चोरी केली असून, तिने फ्लोरिडातील टार्गेट स्टोअरच्या कॅफेमध्ये ही चोरी केली. फक्त चोरी करून शांत बसली असती तर कदाच सांगता आले नसते, पण तिने चोरी केलेल्या दुसऱ्याच दिवशी चोरलेले काही कपडे घालून टिकटॉकवर एक व्हिडिओ पोस्ट केला. आई म्हणून आयुष्यातील एक दिवस असे शीर्षक देऊन तिने व्हिडिओ पोस्ट केला.

व्हिडिओमध्ये ती ज्या दुकानातून चोरी केली होती त्याच दुकानात दिसत आहे, आणि ती चोरलेल्या वस्तू आपल्या गाडीत भरत असल्याचे दिसत आहे. केप कोरल टार्गेट दुकानातून तिने १६ वस्तू निवडल्यानंतर सेल्फ-चेकआउटवर (self-checkout) कमी किमतीचे बनावट बारकोड स्कॅन केले असा अधिकाऱ्यांचा आरोप आहे.

हा व्हिडिओ व्हायरल झाल्यानंतर, केप दुकानातील सीसीटीव्ही फुटेज तपासल्यानंतर तिला अटक करण्यात आली. एका अज्ञात व्यक्तीने तिची ओळख पटवली आणि तिचे पूर्ण नाव, पत्ता आणि सोशल मीडिया अकाउंटची माहिती पोलिसांना दिली. त्यानंतर ली काउंटी जेलच्या कर्मचाऱ्यांनी तिला अटक केली आणि एका आठवड्यानंतर १५० डॉलरच्या जामिनावर तिला सोडण्यात आले. डिसेंबर १० रोजी पुन्हा न्यायालयात हजर राहण्याचे तिला सांगण्यात आले आहे.