South Korea Stabbing: दक्षिण कोरियात मॉलमधील थरार, दोन्ही हातात चाकू घेऊन हल्ला; लोकांनी खुर्च्या फेकून वाचवले प्राण
सार
दक्षिण कोरियाच्या इंचियोन शहरातील एका शॉपिंग सेंटरमध्ये मंगळवारी चाकू हल्ल्याची धक्कादायक घटना घडली. ५९ वर्षीय माथेफिरूने फूड कोर्टमधील ग्राहकांवर सपासप वार केले. या हल्ल्यात किमान आठ जण जखमी झाले आहेत. या आरोपीने यापूर्वी आपल्या पूर्वाश्रमीच्या पत्नीच्या हत्येचा प्रयत्न केला होता.
दक्षिण कोरियाच्या (South Korea) इंचियोन शहरातून एक धक्कादायक सीसीटीव्ही व्हिडिओ समोर आला आहे. एका ५९ वर्षीय व्यक्तीने शॉपिंग सेंटरमध्ये घुसून ग्राहकांवर चाकूने हल्ला केला. सुदैवाने तिथे उपस्थित असलेल्या लोकांनी धाडस दाखवत त्याला पकडले. मंगळवारी, १३ ऑक्टोबर रोजी हा थरार घडला. सुरुवातीच्या माहितीनुसार यात आठ जण जखमी झाले होते. पण बुधवारी आलेल्या नव्या रिपोर्टनुसार जखमींचा आकडा १० वर पोहोचला आहे. पोलीस आता या हल्ल्यामागचे नेमकं कारण शोधत आहेत.
स्थानिक वेळेनुसार दुपारी १.४० च्या सुमारास इंचियोनच्या गुवोल-डोंग भागातील एका कमर्शियल कॉम्प्लेक्समध्ये ही घटना घडली. या इमारतीत 'होमप्लस' नावाचा सुपरमार्केट आहे. पण हा हल्ला दुसऱ्या मजल्यावरील फूड कोर्टमध्ये झाला, अशी माहिती स्थानिक माध्यमांनी दिली आहे.
सीसीटीव्हीत कैद झाला थरार
पोलिसांनी दिलेल्या माहितीनुसार, आरोपीने दोन्ही हातांना चाकू बांधले होते आणि तो एस्केलेटरवरून वेगवेगळ्या मजल्यांवर फिरत होता. फूड कोर्टमधील सीसीटीव्ही फुटेजमध्ये तो लोकांच्या अंगावर धावून जाताना स्पष्ट दिसतोय. जीव वाचवण्यासाठी ग्राहक आणि कर्मचाऱ्यांची मोठी पळापळ झाली.
🇰🇷 A man with knives strapped to both hands went on a stabbing rampage inside a South Korean supermarket yesterday.
The 59-year-old attacked shoppers at a Homeplus store in Incheon, even moving between floors on escalators.
Some brave shoppers managed to block his way and pin him down with chairs until police arrived.
Eight people were injured, including a woman who went into cardiac arrest.
Pretty scary stuff, but those shoppers stepping in may have saved more people from getting hurt.
Writer: Daniyal
https://t.co/63Di0wAF9v
— Mario Nawfal (@MarioNawfal) October 14, 2026
तिथे उपस्थित असलेल्या काही धाडसी लोकांनी खुर्च्या आणि इतर वस्तू फेकून त्याला रोखण्याचा प्रयत्न केला. त्यांच्या या प्रयत्नांमुळेच पोलिसांना त्याला घटनास्थळीच बेड्या ठोकता आल्या. हत्येचा प्रयत्न केल्याच्या आरोपाखाली पोलिसांनी त्याला ताब्यात घेतलं असून, त्याने हा हल्ला का केला याची चौकशी सुरू आहे.
एका तरुणीला आला हृदयविकाराचा झटका
सुरुवातीच्या माहितीनुसार, जखमी झालेल्या आठ जणांमध्ये सहा महिला आणि दोन पुरुषांचा समावेश आहे. या सर्वांना तातडीने रुग्णालयात दाखल करण्यात आलं. यात विशीतल्या एका तरुणीला हृदयविकाराचा झटका (कार्डियाक अरेस्ट) आला. तिच्यावर तातडीने शस्त्रक्रिया करण्यात आली. योनहाप वृत्तसंस्थेच्या माहितीनुसार, ती या धक्क्यातून सावरली असली तरी अद्याप शुद्धीवर आलेली नाही.
A horrific attack at a shopping centre in South Korea has left eight people injured after a man reportedly armed with knives strapped to both hands attacked shoppers.
One woman in her 20s suffered a cardiac arrest and required emergency surgery.
The 59 year old suspect had previously served four years in prison for attempted murder and was reportedly wearing an electronic ankle tag at the time of the attack.
South Korea's Justice Ministry has since apologised and announced a review into how dangerous offenders are monitored. https://t.co/UcsmppQquF
— Ben Graham (@BenGrahamUK) October 13, 2026
🇰🇷: A 59yo man was arrested after stabbing eight people at a Homeplus supermarket in Incheon, South Korea.
Using knives strapped to both hands, he attacked shoppers on escalators until bystanders subdued him with chairs. https://t.co/3m4jhAdzn2
— World In Last 24hr (@world24x7hr) October 13, 2026
इतर जखमींवर सध्या उपचार सुरू आहेत. प्रशासनाने इमारतीमध्येच एक तात्पुरती वैद्यकीय छावणी उभारली होती जेणेकरून जखमींना लगेच मदत मिळेल. नंतर आलेल्या माहितीनुसार जखमींची संख्या १० झाली आहे.
आरोपीच्या पायात होता इलेक्ट्रॉनिक अँकल मॉनिटर
या हल्ल्यानंतर आरोपीच्या हालचालींवर लक्ष ठेवणाऱ्या यंत्रणेवरच मोठे प्रश्नचिन्ह निर्माण झाले आहे. दक्षिण कोरियन माध्यमांनुसार, जेव्हा या ५९ वर्षीय आरोपीला पकडण्यात आलं, तेव्हा त्याच्या पायात 'इलेक्ट्रॉनिक अँकल मॉनिटर' (गुन्हेगारांवर लक्ष ठेवण्यासाठी वापरले जाणारे उपकरण) होता.
याआधी त्याने आपल्या पूर्वाश्रमीच्या पत्नीच्या हत्येचा प्रयत्न केला होता. त्या गुन्ह्यासाठी त्याने चार वर्षांची शिक्षाही भोगली आहे. योनहापच्या रिपोर्टनुसार, त्याच्यावर लक्ष ठेवण्यासाठी लावण्यात आलेला हा मॉनिटर फेब्रुवारी २०२९ पर्यंत राहणार होता.
Eight hurt in supermarket stabbing in Incheon, South Korea
A 60-yo man with knives strapped to both hands attacked people before bystanders subdued him
The victims included six women and two men — one woman in her 20s is in cardiac arrest https://t.co/wHTcPIudvh
— RTBreaking (@RT_Breaking_) October 13, 2026
बीबीसीच्या वृत्तानुसार, सप्टेंबर महिन्यात इंचियोनमधल्या एका रुग्णालयाबाहेर एकटाच आंदोलन करताना त्याने चाकू बाळगला होता. त्यावेळीही पोलिसांनी त्याच्यावर गुन्हा दाखल केला होता. त्याला मिळालेल्या वैद्यकीय उपचारांवर तो नाराज होता, असं बोललं जातं.
पोलीस आता त्याची गुन्हेगारी पार्श्वभूमी आणि हल्ल्यामागचा हेतू तपासत आहेत. हा हल्ला नेमका का झाला, हे समजून घेण्यासाठी क्रिमिनल प्रोफायलर्सचीही मदत घेतली जाणार आहे.
चाकू हल्ल्यांमुळे सुरक्षेचा प्रश्न ऐरणीवर
दक्षिण कोरिया हा तसा कमी गुन्हेगारी (crime) असलेला सुरक्षित देश मानला जातो. पण २०२३ मध्ये अनोळखी लोकांवर झालेल्या हल्ल्यांच्या मालिकेने लोकांमध्ये भीतीचे वातावरण निर्माण केले आहे. अशा घटनांना तिथे 'मुदजिमा' (Mudjima) गुन्हे म्हटले जाते. याचा अर्थ 'काहीही विचारू नका' असा होतो. यात हल्लेखोर कोणत्याही कारणाशिवाय अनोळखी लोकांवर जीवघेणा हल्ला करतात.
एप्रिल २०२५ मध्येही एका सुपरमार्केटमध्ये असाच हल्ला झाला होता. तिथे एका ३० वर्षीय तरुणाने केलेल्या हल्ल्यात ६० वर्षीय महिलेचा मृत्यू झाला होता.
आता या ताज्या घटनेमुळे सार्वजनिक ठिकाणच्या सुरक्षेचा मुद्दा पुन्हा एकदा चर्चेत आला आहे. इंचियोनमध्ये झालेल्या या हल्ल्यामागचे नेमके कारण शोधण्यासाठी पोलीस कसून तपास करत आहेत.