Meta Outage: तुमचं फेसबुक किंवा इन्स्टाग्राम अकाऊंट चालत नाहीये का? लॉग-इन होत नाहीये किंवा फीड दिसत नाहीये? अशा अनेक समस्या यूजर्सना येत आहेत. जगभरातल्या या सर्वात मोठ्या सोशल मीडिया प्लॅटफॉर्मवर नेमकं काय संकट आलंय, ते जाणून घेऊया.
तुम्हालाही फेसबुक किंवा इन्स्टाग्रामवर लॉग-इन करायला अडचण येतेय का? अनेकांना आपला न्यूज फीड दिसत नाहीये. मेटाच्या मालकीचे हे दोन्ही सोशल मीडिया प्लॅटफॉर्म्स एका तांत्रिक बिघाडामुळे अचानक बंद पडले आहेत.
25
भारतासह अनेक देशांमध्ये समस्या
भारतासह जगभरातील अनेक देशांमधील फेसबुक आणि इन्स्टाग्राम युजर्सनी या समस्येबद्दल तक्रारी केल्या आहेत. सोशल मीडियावर अवलंबून असलेल्या अनेकांना यामुळे मोठा त्रास सहन करावा लागत आहे. हे दोन्ही प्लॅटफॉर्म बंद पडल्याने अनेकांची कामं खोळंबली आहेत.
35
डाउन डिटेक्टरचा रिपोर्ट
फेसबुक आणि इन्स्टाग्राम डाऊन असल्याच्या वृत्ताला 'डाउन डिटेक्टर' या वेबसाईटने दुजोरा दिला आहे. भारतातील युजर्सनी संध्याकाळी 7 वाजल्यापासून या समस्येबद्दल तक्रार करण्यास सुरुवात केली. अनेक युजर्सनी 'X' (पूर्वीचे ट्विटर) वर आपला संताप व्यक्त केला आहे.
सोशल मीडिया प्लॅटफॉर्म फेसबुक आणि इन्स्टाग्राममध्ये आलेल्या या मोठ्या बिघाडावर मेटा कंपनीने अद्याप कोणतीही अधिकृत प्रतिक्रिया दिलेली नाही. काही युजर्सना लॉग-इनची समस्या आहे, तर काहींना मेसेंजर आणि फीड वापरता येत नाहीये.
55
1 लाखांहून अधिक तक्रारी
मेटाच्या मालकीच्या प्लॅटफॉर्मवरील या तांत्रिक बिघाडाबद्दल आतापर्यंत सुमारे 1 लाखांहून अधिक लोकांनी तक्रारी नोंदवल्या आहेत. अनेकांना नेमकी समस्या काय आहे हेच कळत नाहीये, पण नेहमीप्रमाणे अकाऊंट वापरता येत नसल्याचं त्यांनी म्हटलं आहे.
