इस्कॉन मंदिरावर धोका: भक्तांना जीवे मारण्याची धमकी

ढाका : शेख हसीना सत्तेवरून गेल्यानंतर बांगलादेशात हिंदूंवरील अत्याचाराची मालिका सुरूच असून, आता एका इस्लामिक संघटनेने इस्कॉनवर बंदी घालण्याची मागणी केली आहे असे वृत्त आहे.

यापूर्वी कोविड काळात गरजूंना अन्न पुरवणाऱ्या आणि अलीकडेच झालेल्या दंगलीतही पीडितांना मोफत अन्न पुरवणाऱ्या इस्कॉन संघटनेवरच इस्लामिक कट्टरपंथीयांनी हल्ला केल्याने प्रचंड संताप निर्माण झाला आहे. शेख हसीनांच्या पदच्युतीनंतर देशभर झालेल्या हिंसाचाराच्या वेळीही इस्कॉनवर हल्ले झाले होते.

ही संघटना आता थेट मंदिरे बंद करण्याची धमकी देत आहेत. चितगाव येथील 'हिफाजत-ए-इस्लाम' या इस्लामिक संघटनेने इस्कॉनवर बंदी घालण्याची मागणी करणारा व्हिडिओ इस्कॉनचे उपाध्यक्ष राधारमण दास यांनी शेअर केला आहे.

‘बांगलादेशी मुस्लिमांनी इस्कॉनवर बंदी घालण्यासाठी देशाचे प्रशासकीय प्रमुख मोहम्मद युनस यांना मुदत दिली आहे. अन्यथा ते इस्कॉनच्या भक्तांना पकडून क्रूरपणे ठार मारण्यास सुरुवात करतील अशी धमकी दिली आहे.’

दरम्यान, भारतात आश्रय घेतलेल्या बांगला लेखिका तस्लिमा नसरीन म्हणाल्या, 'हिफाजत-ए-इस्लाम संघटना इस्कॉनच्या सदस्यांना मारू इच्छित आहे. इस्कॉन ही दहशतवादी संघटना आहे आणि ती बंदी घालायला हवी का? इस्कॉन जगभर आहे. त्यांनी कधीही हिंसाचाराला प्रोत्साहन दिले नाही.'

वाद कुठून सुरू झाला?:

बांगलादेशातील इस्कॉनशी संबंधित वाद ५ नोव्हेंबर रोजी एका स्थानिक उद्योजकाच्या फेसबुक पोस्टमुळे सुरू झाला. त्यांनी इस्कॉनला दहशतवादी गट म्हटले होते. या पोस्टमुळे हिंदूंमध्ये संताप निर्माण झाला आणि हिंसाचाराला कारणीभूत ठरला.