इंग्लंडमध्ये भारतीय तरुणीवर अत्यंत क्रूर लैंगिक अत्याचार, वंशद्वेषातून घटना घडल्याचा संशय!

Indian Origin Woman Sexually Assaulted in UK : उत्तर इंग्लंडमध्ये भारतीय वंशाच्या २० वर्षीय तरुणीवर अत्यंत क्रूर लैंगिक अत्याचार झाला. वंशद्वेषातून हा हल्ला झाल्याचा संशय वेस्ट मिडलँड्स पोलिसांना आहे.

Indian Origin Woman Sexually Assaulted in UK : पश्चिम मिडलँड्स पोलिसांनी (West Midlands Police) उत्तर इंग्लंडमध्ये एका २० वर्षीय भारतीय वंशाच्या (Indian heritage) महिलेवर झालेल्या 'वंशभेदातून प्रेरित' (racially aggravated) बलात्कार प्रकरणी एका गोऱ्या (white male) संशयिताचा शोध घेण्यासाठी तातडीचे सार्वजनिक आवाहन जारी केले आहे.

शनिवारी सायंकाळी वॉलसॉल (Walsall) येथील पार्क हॉल परिसरात रस्त्यावर एका महिलेला व्यतिथ पाहून पोलिसांना बोलावण्यात आले होते. हा गुन्हा 'वंशभेदातून प्रेरित हल्ला' असल्याचे पोलिसांनी स्पष्ट केले असून, त्यांनी संशयिताचे सीसीटीव्ही फुटेज देखील प्रसिद्ध केले आहे.

पोलीस तपासावर भर

वेस्ट मिडलँड्स पोलीस दलाचे डिटेक्टिव्ह सुपरिंटेंडेंट (DS) रोनन टायरेर यांनी रविवारी सांगितले की, "हा एका तरुण महिलेवर झालेला अत्यंत भयानक हल्ला आहे, आणि जबाबदार व्यक्तीला अटक करण्यासाठी आम्ही सर्वतोपरी प्रयत्न करत आहोत."

टायरेर पुढे म्हणाले, "आम्ही पुराव्यांची तपासणी करत आहोत आणि हल्लेखोराचे प्रोफाइल तयार करत आहोत, जेणेकरून त्याला लवकरच ताब्यात घेता येईल. आम्ही सध्या अनेक मार्गांनी तपास करत आहोत, परंतु घटनेच्या वेळी परिसरात संशयास्पद कृती करताना दिसलेल्या कोणत्याही व्यक्तीने आमच्याशी संपर्क साधणे महत्त्वाचे आहे."

संशयिताचे वर्णन: गोरा, अंदाजे ३० च्या दशकात, लहान केस असलेला आणि गडद रंगाचे कपडे घातलेला.

माहितीचे आवाहन: टायरेर यांनी वाहनचालकांना डॅशकॅम फुटेज आणि परिसरातील लोकांना सीसीटीव्ही फुटेज तपासण्याचे आवाहन केले आहे, कारण ती माहिती तपासात निर्णायक ठरू शकते.

समुदायात भीतीचे वातावरण

या हल्ल्यामुळे वॉलसॉलमधील समुदायात मोठी भीती आणि चिंता पसरली आहे. वॉलसॉल पोलिसांचे चीफ सुपरिंटेंडेंट फिल डॉल्बी म्हणाले, "वॉलसॉल एक वैविध्यपूर्ण परिसर आहे आणि या भयानक हल्ल्यामुळे आमच्या समुदायात भीती निर्माण झाली आहे याची आम्हाला जाणीव आहे. आम्ही लोकांच्या चिंता ऐकून घेत आहोत आणि पुढील काही दिवसांत पोलिसांची उपस्थिती वाढवण्यात येईल."

शीख फेडरेशन यूकेने स्थानिक सूत्रांचा हवाला देत पीडित महिला पंजाबी वंशाची असल्याचे सांगितले आहे.

चिंताजनक बाब म्हणजे, गेल्या महिन्यात याच पोलीस दलाच्या कार्यक्षेत्रात, जवळच्या ओल्डबरी (Oldbury) परिसरात एका ब्रिटिश शीख महिलेवर वंशभेदातून प्रेरित बलात्कार झाल्याची घटना घडली होती. या दोन्ही हल्ल्यांमध्ये संशयितांना तात्पुरता जामीन मिळाल्यानंतर आता हा नवीन हल्ला समोर आला आहे.

मात्र, डी एस टायरेर यांनी सद्यस्थितीत हे दोन हल्ले एकमेकांशी जोडले गेलेले नाहीत, असे स्पष्ट केले आहे. पोलीस दलातील तज्ज्ञ अधिकारी, स्थानिक पोलीस आणि न्यायवैद्यक अधिकारी (forensic officers) संयुक्तपणे संशयिताला ओळखण्यासाठी आणि अटक करण्यासाठी काम करत आहेत.