बांगलादेशात मुस्लिम दंगलखोरांकडून आणखी एका हिंदू तरुणाची हत्या!

Hindu Youth Amrit Mondal Killed By Mob In Bangladesh : बांगलादेशातील राजबाडी येथे अमृत मोंडल नावाच्या हिंदू तरुणाला जमावाने मारहाण करून ठार केले. काही दिवसांतील ही दुसरी घटना आहे. 

Hindu Youth Amrit Mondal Killed By Mob In Bangladesh : दिपू चंद्र दास यांना जमावाने मारहाण करून ठार केल्यानंतर काही दिवसांनी, बांगलादेशात आणखी एका हिंदू तरुणाची जमावाने हत्या केल्याचे वृत्त आहे. राजधानी ढाकापासून सुमारे 200 किमी अंतरावर असलेल्या राजबाडीतील पांग्शा उपजिल्ह्यात रात्री 11 वाजण्याच्या सुमारास 29 वर्षीय अमृत मोंडल उर्फ सम्राट याची हत्या करण्यात आल्याचे रिपोर्ट्समध्ये म्हटले आहे. सम्राट हा 'सम्राट बाहिनी' नावाच्या गुन्हेगारी टोळीचा म्होरक्या होता, असे बांगलादेशी माध्यमांनी म्हटले आहे. ही टोळी दरोड्यासारख्या गुन्हेगारी कारवायांमध्ये सामील होती. गेल्या वर्षी शेख हसीना यांना सत्तेतून हटवल्यानंतर सम्राट फरार झाला होता आणि कलिमोर युनियनमधील आपल्या होसेनडांगा गावात परतला होता.

बुधवारी रात्री 11 वाजण्याच्या सुमारास सम्राट आणि त्याच्या टोळीतील काही सदस्य शाहिदुल इस्लाम नावाच्या गावकऱ्याच्या घरी पैसे उकळण्यासाठी गेले होते, असा आरोप आहे. त्यानंतर गावकऱ्यांनी सम्राटाला पकडून बेदम मारहाण केली. टोळीतील इतर सदस्य पळून गेले.

पोलिसांनी सम्राटाची जमावापासून सुटका करून त्याला रुग्णालयात दाखल केले, परंतु तेथे त्याला मृत घोषित करण्यात आले, अशी माहिती सहाय्यक पोलीस अधीक्षक (पांग्शा सर्कल) देब्रत सरकार यांनी दिली. सम्राटविरुद्ध हत्येसह दोन गुन्हे पांग्शा पोलीस ठाण्यात दाखल आहेत, असे सरकार यांनी सांगितले. सम्राटचा एक साथीदार मोहम्मद सलीम याला पिस्तूल आणि दुसऱ्या एका बंदुकीसह अटक करण्यात आली आहे. फॅक्टरी कामगार दिपू चंद्र दास यांच्या जमावाकडून झालेल्या हत्येनंतर बांगलादेशात तणावाचे वातावरण असतानाच या 29 वर्षीय तरुणाची हत्या झाली आहे.